Artsakhpress

Քաղաքական

Արցախյան շարժման 30-ամյակին նվիրված՝ Ստեփանակերտում տոնական հանրահավաք է կազմակերպվել (լուսանկարներ)

Այսօր՝ փետրվարի 13-ին, Արցախյան շարժման 30-ամյակին նվիրված՝ Ստեփանակերտում կազմակերպվել է տոնական երթ և հանրահավաք:

Արցախյան շարժման 30-ամյակին նվիրված՝ Ստեփանակերտում տոնական հանրահավաք է կազմակերպվել (լուսանկարներ)

Արցախյան շարժման 30-ամյակին նվիրված՝ Ստեփանակերտում տոնական հանրահավաք է կազմակերպվել (լուսանկարներ)
ՍՏԵՓԱՆԱԿԵՐՏ, փետրվարի 13, ԱՐՑԱԽՊՐԵՍ:  «Արցախպրես»-ի թղթակցի հաղորդմամբ՝ երթի մասնակիցները պաստառներով, դրոշներով, կոչերով, «Միացում» վանկարկելով մայրաքաղաքի կենտրոնական փողոցոներվ շարժվել են դեպի Ստեփանակերտի Վերածննդի հրապարակ, որտեղ էլ կայացել է Ղարաբաղյան շարժման 30-ամյակին նվիրված տոնական միջոցառում:
Հանրահավաքին օրհնության խոսք է հղել Հայ Առաքելական եկեղեցու Արցախի թեմի առաջնորդ Պարգև արքեպիսկոպոս Մարտիրոսյանը:
Միջոցառման ընթացքում ցուցադրվել են Ղարաբաղյան շարժման մասին պատմող փաստավավերագրական ֆիլմեր:

Հանրահավաքին Արցախյան շարժման 30-րդ տարեդարձի առթիվ շնորհավորական ելույթով հանդես է եկել Արցախի Հանրապետության նախագահ Բակո Սահակյանը՝ ասելով, որ 1988 թվականը բեկումնային է եղել հայ ժողովրդի պատմության մեջ:

«Երեք տասնամյակ առաջ այս օրերին համայն հայությունը համախմբվեց, դարձավ մի բռունցք՝ ողջ աշխարհին ազդարարելով սեփական բնօրրանում ազատ ու անվտանգ ապրելու համար մաքառելու իր պատրաստակամության մասին: Համաժողովրդական այս պոռթկումը մարտահրավեր էր բռնատիրությանը, հալածանքներին, մարդու իրավունքների խախտումներին, բոլոր այն արհավիրքներին, որոնց միջով անցել է մեր ժողովուրդն իր բազմադարյա պատմության ընթացքում: Եվ այս շարժման պսակը դարձավ հայոց անկախ պետականության վերականգնումը: Այս գոյապայքարում, դժբախտաբար, մենք ունեցանք նաև անդառնալի կորուստներ: Հայրենիքի պաշտպանության սուրբ գործին իրենց կյանքն են նվիրաբերել մեր ժողովրդի լավագույն զավակները: Նրանք զոհ չեն, նրանք մարտիրոսված հերոսներ են, ովքեր անմահացան և շարունակում են իրականացնել հայրենիքի պաշտպանի իրենց սուրբ առաքելությունը՝ ոգեշնչելով և պարտավորեցնելով՝ անմնացորդ ծառայել հայրենիքին, աշխատել ի փառս նրա զարգացման ու զորացման: Այս բոլոր տարիների ընթացքում մենք մշտապես զգացել ենք Մայր Հայաստանի հատուկ հոգատարությունն Արցախի նկատմամբ: Անհնարին է պատկերացնել մեր ձեռքբերումներն ու հաղթանակներն առանց ՀՀ գործուն և անմիջական մասնակցության: Այսօր էլ միասին լուծում ենք մեծ ու պատասխանատու խնդիրներ: Բոլորս հաստատակամ ենք և կանենք հնարավորը, որպեսզի վաղվա օրը լինի հուսալի, մեր հայրենիքը՝ ավելի հզոր ու բարեկեցիկ: Հակառակորդը միշտ պետք է իմանա, որ մեզ հետ ուժի լեզվով խոսելը դատապարտված է ձախողման: Մեր ժողովուրդը, մեր բանակը և ողջ հայությունը ցանկացած պահի արժանի հակահարված կտան մեր ազատությանն ու անվտանգությանն սպառնացող յուրաքանչյուր ոտնձգության»,- նշել է Նախագահը:

Ղարաբաղյան շարժման առաջամարտիկներից Համլետ Գրիգորյանն էլ իր ելույթում նշել է, որ Ղարաբաղյան շարժման 30-ամյակը համահայկական փառապանծ տոն է: «Վերհիշենք նրանց, ովքեր 20-րդ դարում հայկական հիմնահարցն անթեղված չեն թողել և քայլ առ քայլ մոտեցրել են մեր հինավուրց երկրամասի անկախությանը: Փաստ է, որ մեր հանրապետությունը դեռ ճանաչված չէ, բայց փաստ է նաև, որ միջազգային ոչ մի ատյանում առայսօր չեն կասկածել մեր հանրապետության լեգիտիմությանը: Մենք՝ Արցախյան ազատամարտի տարեց վկաներս, հպարտանում ենք 1980-90-ական թվականների սերնդով և հորդորում ենք երիտասարդներին, որ մեր հաջողությունների կրկնապատկողը լինեն, քանզի երկար ճանապարհ ունենք անցնելու Արցախը Մայր Հայաստանին վերամիավորելու սուրբ գործում և իրականացնելու 30 տարի առաջ հայ ժողովրդի սրտից ծնված՝ «Մեկ ազգ, մեկ հայրենիք ու մեկ պետություն» կարգախոսը»,- ասել է Հ. Գրիգորյանը:

Ղարաբաղյան շարժման ակտիվիստ, Արցախի հերոս Ժաննա Գալստյանն էլ, վերհիշելով 1988 թվականի հանրահավաքը, ասել է. «Այն ժամանակ մենք ճնշված էինք: 1988-ին մեզանից յուրաքանչյուրը դուրս է եկել հրապարակ մի պարզ նպատակով՝ շրջել հայոց պատմության վերջին 100-ամյակի շեղված անիվը: Դուրս էր եկել գիտակցելով, որ ինքը հզոր կայսրության պատժիչ մեքենայի անիվների տակ կարող էր մնալ: Իսկ այսօր, բարեբախտաբար, մեզ պաշտպանում է հայոց հզոր բանակը: Այսօր մենք հավաքվել ենք այստեղ ոչ միայն հարգանքի տուրք մատուցելու Ղարաբաղյան շարժման առաջամարտիկներին, այլև ազդարարելու պայքարի նոր փուլ, որն էլ կոչվում է զարգացման փուլ: 30 տարի անց մենք պետք է 1988-ի դասերը քաղենք, իսկ մեր ամենամեծ դասը Հայաստան-Արցախ-Սփյուռք եռամիասնությունն է, իսկ երկրորդ դասը՝ հետևողական լինելը և երրորդը՝ հույսներս միայն մեզ վրա դնելը. այդժամ հաղթանակներն անխուսափելի են լինելու: Մենք տեսնում ենք, որ մեր թշնամին ոչնչով չի փոխել իր գործելակերպը, ձեռագիրը և նույնն է մնացել առայսօր: Կեցցե՛ հայ ժողվուրդը, հայոց բանակը և այն ժողովուրդը, որ ապրելու է ազատ, անկախ և միացյալ Հայաստանում»:

Միջոցառման ընթացքում, տեսակապի միջոցով ղարաբաղյան շարժման 30-ամյակի կապակցությամբ իրենց շնորհավորական ուղերձներն են հղել նաև Հայաստանի, Ռուսաստանի, Ֆրանսիայի, Մեծ Բրիտանիայի, ԱՄՆ-ի, Եվրոխորհրդարանի քաղաքական ուժերի ներկայացուցիչներն ու մշակութային հայտնի գործիչներ:

Վերջում հնչել են ազգային երգեր, պարեղանակներ՝ Վերածննդի հրապարակը վերածելով ազգային մեծ տոնախմբության հարթակի:
Հանրահավաքին ներկա էին ԱՀ երկրորդ նախագահ Արկադի Ղուկասյանը, ԱՀ ԱԺ նախագահ Աշոտ Ղուլյանը, ԱՀ պետնախարար Արայիկ Հարությունյանը, ԱԺ պատգամավորներ, Արցախյան շարժման առաջամարտիկներ և նրանց գործն այսօր շարունակող երիտասարդներ, հյուրեր և այլք:

     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search