ՀՀ ԶՈՒ ԳՇ պետ, գեներալ-գնդապետ Մովսես Հակոբյանը 1-ին զորամիավորման վարչակազմին է ներկայացրել նորանշանակ հրամանատար՝ գնդապետ Արարատ Մելքումյանին:
Արարատ Մելքումյանը նշանակվել է 1-ին զորամիավորման հրամանատար
ՍՏԵՓԱՆԱԿԵՐՏ, փետրվարի 15, ԱՐՑԱԽՊՐԵՍ: Այս մասին հաղորդում է Hayzinvor.am-ը՝ նշելով, որ Մովսես Հակոբյանը բարձր է գնահատել Արարատ Մելքումյանի ծառայությունները, զինծառայողի և մարդու բարձր արժանիքները: ՀՀ ԶՈՒ ԳՇ պետն անձնակազմին բարեմաղթել է անփորձանք, նոր ձեռքբերումներով և հաջողություններով լի ծառայություն՝ հորդորելով վարչակազմին թև ու թիկունք լինել նորանշանակ հրամանատարին, որպեսզի արագ կայանա արդյունավետ ծառայությունը:
Աղբյուրի հաղորդմամբ՝ նորանշանակ հրամանատարն արդեն տվել է զորամիավորման մարտական դրոշի, զինադրոշի և խաչվառի հանձնման-ընդունման առաջին հրամանը:
Հիշեցնենք, որ ՀՀ նախագահ Սերժ Սարգսյանի հրամանագրով 1-ին զորամիավորման հրամանատար, գեներալ-մայոր Տիգրան Փարվանյանն օրերս նշանակվել է ՀՀ ԶՈՒ և ՌԴ ԶՈՒ միացյալ զորքերի խմբավորման հրամանատար: