Artsakhpress

Մշակույթ

Ստեփանակերտում մեկնարկել է «Գրքի բանկ-նվիրատվություն» ծրագիրը

Հայ Հեղափոխական Դաշնակցության (ՀՅԴ) Արցախի երիտասարդական միության նախաձեռնությամբ և ԱՀ մշակույթի, երիտասարդության հարցերի և զբոսաշրջության նախարարության աջակցությամբ այսօր՝ փետրվարի 19-ին, Ստեփանակերտի Վերածննդի հրապարակում, գիրք նվիրելու օրվան նվիրված, մեկնարկել է «Գրքի բանկ-նվիրատվություն» ծրագիրը, որը գործելու է մինչև մարտի 1-ը:

Ստեփանակերտում մեկնարկել է «Գրքի բանկ-նվիրատվություն» ծրագիրը

Ստեփանակերտում մեկնարկել է «Գրքի բանկ-նվիրատվություն» ծրագիրը

ՍՏԵՓԱՆԱԿԵՐՏ, փետրվարի 19, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ «Գրքի բանկ»-ի բացման պատիվը տրվել է դերասանուհի, հաղորդավարուհի Նազենի Հովհաննիսյանին. նա է առաջին գիրքը նվիրաբերել «Գրքի բանկ»-ին:

Ն. Հովհաննիսյանը նշել է, որ ինքը մեծ հպարտությամբ ու սիրով է ամեն անգամ այցելում Արցախ:

«Ինձ համար այսօր էլ պատիվ է լինել Արցախում և մասնակցել նման գեղեցիկ նախաձեռնության: Բոլոր ժամանակներում էլ հայ մարդն արժևորել է գրքի դերը: Գիրքը պետք է հասու դարձնենք բոլորին, պիտի ձգտենք այն հասցնել ամենահեռավոր համայնքների ընթերցողներին»,-ասել է Ն. Հովհաննիսյանը:

Հայաստանի մշակութային հիմնադրամի տնօրեն Մանուկ Նիգոյանն էլ, իր հերթին ողջունելով «Գրքի բանկ-նվիրատվություն» ծրագրի մեկնարկն Արցախում, համոզմունք է հայտնել, որ այն դառնալու է լավագույն ավանդույթ:

Նրա խոսքով՝ գրքերը պետք է ոչ թե գրապահարաններում լինեն, այլ ընթերցվեն:

ԱՀ մշակույթի, երիտասարդության հարցերի և զբոսաշրջության նախարար Սերգեյ Շահվերդյանը ևս կարևորել է գրքի դերը հայ ժողովրդի կյանքում:

«Բոլոր ժամանակներում էլ գիրքը հարգի է եղել մեր ժողովրդի համար: Սա մի նախաձեռնություն է, որի շրջանակներում քաղաքացիները հնարավորություն են ստանում իրենց գրքի տեսքով միմյանց նվիրատվություն անել: Նվիրաբերված գրքերը կտրամադրվեն Քաշաթաղի շրջանի Քաշունիք համայնքի ընթերցողներին»,-հավելել է Ս. Շահվերդյանը:

Հայ Հեղափոխական Դաշնակցության (ՀՅԴ) Արցախի երիտասարդական միության վարչության անդամ Արտակ Իշխանյանը մեզ հետ զրույցում ասել է, որ «Գրքի բանկ-նվիրատվություն» ծրագիրը հաճելի նորույթ է արցախցիների համար:


«Դա գրքերի հավաքագրման մի յուրօրինակ ձև է, որի շրջանակներում որպես նվիրատվություն տրամադրված գեղարվեստական կամ հանրամատչելի գրականությունը կուղղվի գրադարաններ չունեցող համայնքներին: Յուրաքանչյուր ոք կարող է իր ներդրումն ունենալ այս բարեգործական ծրագրին, և ավելացնել գրքի բանկի հաշվեկշիռը: Հուսով ենք, որ ծրագիրը կարդարացնի մեր սպասելիքները և կդառնա Արցախի մշակութային կյանքի մի մասը»,-ավելացրել է Ա. Իշխանյանը:


Միջոցառմանը ներկա էին ԱՀ Ազգային ժողովի փոխնախագահ Վահրամ Բալայանը, երգչուհի Սոֆի Մխեյանը, ՀՅԴ անդամներ և այլք:


     

Քաղաքական

Հայաստանի և Ղազախստանի ԱԳ նախարարները ստորագրել են երկու գերատեսչությունների միջև 2024-2025թթ. գործողությունների ծրագիրը

Հայաստանի և Ղազախստանի արտաքին գործերի նախարարներ Արարատ Միրզոյանը և Մուրատ Նուրտլեուն ստորագրել են երկու գերատեսչությունների միջև 2024-2025թթ. գործողությունների ծրագիրը:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Ղազախստանն իր միջմայրցամաքային ծրագրերում չափազանց մեծ նշանակություն է տալիս Հայաստանին. Մուրատ Նուրտլեու

Հաշվի առնելով Հայաստանի աշխարհագրական առավելությունը՝ երկիրը չափազանց մեծ նշանակություն ունի Ղազախստանի համար՝ միջմայրցամաքային ծրագրերի առումով:

Հայաստանը և Ղազախստանը հնարավորություն ունեն նոր էջ բացել երկկողմ հարաբերություններում․ Միրզոյան

Հայաստանը և Ղազախստանը պատրաստակամ են զարգացնել երկկողմ հարաբերությունները և իրացնել չօգտագործված հնարավորությունները։

Տնտեսական

Հասարակական

ՀՀ իշխանությունները պետք է հասնեն Ադրբեջանի կողմից Արցախի գերեվարված ռազմաքաղաքական ղեկավարների և բոլոր գերիների առանց պայմանի ազատ արձակմանը․ Մայր Աթոռ

Ն․Ս․Օ․Տ․Տ․ Գարեգին Երկրորդ Ամենայն Հայոց Կաթողիկոսի նախագահությամբ Հայաստանի եպիսկոպոսները և թեմակալ առաջնորդները հանդես են եկել հայտարարությամբ Արցախի Հանրապետության գերեվարված ռազմաքաղաքական ղեկավարների հիմնարար իրավունքների ոտնահարման դեպքերի վերաբերյալ։

Մշակվել է ծրագիր, որի միջոցով ԼՂ-ից բռնի տեղահանվածները կարող են ուսում ստանալ և աշխատանքի անցնել պետական աջակցությամբ

Մշակվել է ծրագիր, որի միջոցով Լեռնային Ղարաբաղից բռնի տեղահանվածները կարող են ուսում ստանալ և աշխատանքի անցնել պետական աջակցությամբ:

Ադրբեջանցիներն Արցախում ավերել են զոհված զինծառայողներին նվիրված հուշահամալիրը, անհետացրել է 13-րդ դ. արձանագիր խաչքարը

Ադրբեջանցիներն ավերել են Արցախի Ծար գյուղում գտնվող արցախյան ազատամարտում զոհված հայ զինծառայողներին նվիրված հուշահամալիրը, անհետացրել 1224 թ․ արձանագիր խաչքարը։

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

Լեռնային Ղարաբաղից բռնի տեղահանված 7 ընտանիք 16-ական միլիոն դրամ կստանա՝ սահմանամերձ գյուղերում բնակարան կառուցելու համար։

Ռազմական

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Հունաստանի պաշտպանության նախարարը ժամանել է Հայաստան

Հայաստանի պաշտպանության նախարար Սուրեն Պապիկյանի հրավերով Հայաստան է ժամանել Հունաստանի ազգային պաշտպանության նախարար Նիկոս Դենդիասի գլխավորած պատվիրակությունը։

Տեսանյութեր

ավելին

Ամենադիտված

ամիս

շաբաթ

օր

ԼՂ-ից բռնի տեղահանվածների համար նախատեսված «40+10 հազար» ծրագիրը կշարունակվի առնվազն մինչև տարեվերջ

Մարտի 20-ին Ազատության հրապարակում տեղի կունենա Արցախի ժողովրդի կարիքների ապահովման նախաձեռնության հանրահավաքը

Նիկոլ Փաշինյանը ԼՂ հայության բռնի տեղահանումը համարում է 2023 թվականի մեծագույն մարտահրավերը

Հայաստանը մնում է ՀԱՊԿ-ի դաշնակիցը. գլխավոր քարտուղար

Բեռլինում Արցախի մշակութային ժառանգության մասին գրքի շնորհանդեսը չեղարկվել է «միջոցառման դեմ զանգվածային արշավի և էսկալացիայի վտանգի» պատճառով

Ռուբլին, եվրոն և դոլարը էժանացել են

ԼՂ-ից բռնի տեղահանված 7 ընտանիք 16 միլիոն դրամ կստանա՝ սահմանամերձ գյուղերում բնակարան կառուցելու համար

ՀՀ տարածքում կան փակ ավտոճանապարհներ

Անահիտ Մանասյանը մասնակցել է Հիմնարար իրավունքների ֆորումին

Search