Քաթարը դիմել է ԱՄՆ կարգավորիչ մարմիններին ԱՄՆ-ում ԱՄԷ-ի խոշորագույն բանկի մասնաճյուղի գործողությունները հետաքննելու խնդրանքով՝ մեղադրելով նրան կեղծ արժութային գործարքներ իրականացնելու մեջ, որը նպատակաուղղված է եղել Պարսից ծոցի հարեւանների կողմից շրջափակված Քաթարի տնտեսությանը վնաս հասցնելուն:
Քաթարն ԱՄԷ-ի բանկին մեղադրել է կեղծ արժութային գործարքներ իրականացնելու մեջ
Քաթարի կենտրոնական բանկի անունից ԱՄՆ ֆինանսների նախարարությանն է ուղարկվել First Abu Dhabi Bank (FAB)-ի դուստր ընկերությանը՝ NBAD Americas-ի գործողությունները հետաքննելու խնդրանքով նամակ, փոխանցում է Reuters-ը։
Մեկ այլ նամակ ուղարկվել է ԱՄՆ ապրանքների ֆյուչերսային առեւտրի հանձնաժողով (CFTC)՝ քաթարական արժույթի մանիպուլացիայի հնարավորությունները հետաքննելու խնդրանքով։
Հիշեցնենք, որ անցյալ տարվա հունիսին Սաուդյան Արաբիան, Եգիպտոսը, Արաբական Միացյալ Էմիրությունները (ԱՄԷ) եւ Բահրեյնը խզել էին առեւտրային եւ դիվանագիտական հարաբերությունները Քաթարի հետ՝ մեղադրելով նրան ահաբեկչությունը սատարելու մեջ: Դոհան հերքում է բոլոր մեղադրանքները: