«Զինված ուժերում մարդու իրավունքների եվրոպական չափանիշների կիրառման ամրապնդումը Հայաստանում» ծրագրի շրջանակում հրատարակվել են ԶՈՒ մարդու իրավունքների վերաբերյալ Եվրոպայի խորհրդի փաստաթղթերը:
Հրատարակվել են Զինված ուժերում մարդու իրավունքների վերաբերյալ Եվրոպայի խորհրդի փաստաթղթերը
ՍՏԵՓԱՆԱԿԵՐՏ, մարտի 20, ԱՐՑԱԽՊՐԵՍ: Ինչպես տեղեկացնում է Հայաստանում Մեծ Բրիտանիայի և Հյուսիսային Իռլանդիայի թագավորության արտակարգ և լիազոր դեսպան Ջուդիթ Մարգարետ Ֆարնուորթը լիահույս է, որ ծրագիրը հստակ արդյունքներ է տալու:
«Մեզ համար հաճելի է, որ Պաշտպանության նախարարությունը հաշվի է առնում Մարդու իրավունքների եվրոպական դատարանի վճիռները և մասնակցություն է ունեցել այս ծրագրում: Դա մեր մեջ վստահություն է ներշնչում»,- ասաց Ջուդիթ Մարգարետ Ֆարնուորթը:
Հրատարակչությունը նախատեսված է զորակոչիկների, զինծառայողների, պահեստազորի կազմի, ինչպես նաև զինծառայողների իրավունքների, ազատությունների հարցերին առնչվող մասնագետների, ինչպես նաև զինված ուժերում մարդու իրավունքների հարցերով հետաքրքրվող անձնանց լայն շրջանակի համար:
«Մենք բավականին առաջ ենք անցել ծրագրով, և հաճելի է տեսնել, որ Պաշտպանության նախարարությունը և ԵԽ-ն շատ կոնկրետ արդյունքներ են գրանցել: Հուսանք, որ դա մոդել կդառնա ամբողջ տարածաշրջանի համար», -ասաց դեսպանը:
Հրատարակությունը ներառում է Եվրոպայի խորհրդի երեք փաստաթուղթ, որոնք վերաբերում են զինծառայողների կողմից մարդու իրավունքների և հիմնարար ազատությունների իրացմանը` նրանց աշխատանքի և ծառայողական կյանքի յուրահատուկ պայմաններում: