2–րդ հորիզոնականում հայտնվեց «Վարդարի» հարձակվող Տիգրան Բարսեղյանը, իսկ 3–րդում` «Ուրալ» թիմի պաշտպան Վարազդատ Հարոյանը:
Հենրիխ Մխիթարյանը կրկին Հայաստանի տարվա լավագույն ֆուտբոլիստն է
ՍՏԵՓԱՆԱԿԵՐՏ, մարտի 22, ԱՐՑԱԽՊՐԵՍ։ Հայաստանի ֆուտբոլի ազգային հավաքականի և Լոնդոնի «Արսենալի» կիսապաշտպան Հենրիխ Մխիթարյանը այսօր ստացավ Հայաստանի 2017 թվականի լավագույն ֆուտբոլիստի մրցանակը:
Հայաստանի 2017 թ. լավագույն ֆուտբոլիստ է ճանաչվելու համար Մխիթարյանը հավաքել է 190 միավոր։ Նա 8-րդ անգամ իր կարիերայի ընթացքում և 7-րդ անգամ անընդմեջ դարձավ Հայաստանի տարվա լավագույն ֆուտբոլիստ:
«Մեծ հաճույքով եմ ստանում այս պարգևը: Կփորձեմ հաջորդ տարիների ընթացքում նույնպես լինել առաջինը՝ իհարկե, հարգելով իմ թիմակիցներին»,- մրցանակը ստանալու արարողությանը ժամանակ ասաց Մխիթարյանը:
Մխիթարյանի խոսքով` եթե ինչ–որ մեկին թվում է, թե Ազգերի լիգայի մրցաշարում մեր մրցակիցները` Ջիբլարթարի, Լիխտեյնշտեյնի և Մակեդոնիայի հավաքականները թույլ են, սխալվում է, որովհետև այսօր ֆուտբոլում թույլ թիմեր չկան։
Հիշեցնենք` 2017 թվականի ընթացքում Մխիթարյանը նվաճել է Եվրոպա Լիգայի, Անգլիայի լիգայի գավաթները, ընդգրկվել է Եվրոպա Լիգայի խորհրդանշական հավաքականում: Մխիթարյանն այսօր ամենաճանաչված հայերից մեկն է աշխարհում:
35 միավորով երկրորդ տեղը զբաղեցրել է Հայաստանի ազգային հավաքականի և մակեդոնական «Վարդարի» հարձակվող Տիգրան Բարսեղյանը:
Իսկ երրորդ հորիզոնականը 25 միավորով զբաղեցրել է Հայաստանի ազգային հավաքականի և ռուսական «Ուրալ» թիմի պաշտպան Վարազդատ Հարոյանը: