Իրանը կոշտ դատապարտել է Սիրիայի վրա հարձակումն ու նախազգուշացրել ագրեսիայի հետեւանքների մասին ամբողջ տարածաշրջանի համար։
Իրանը դատապարտել է Սիրիայի վրա հարձակումն ու նախազգուշացրել ագրեսիայի լուրջ հետեւանքների մասին
ՍՏԵՓԱՆԱԿԵՐՏ, ապրիլի 14, ԱՐՑԱԽՊՐԵՍ: Այս մասին Al Jazeera-ն է հայտնել, մեջբերելով Իրանի ԱԳՆ հայտարարությունը, հաղորդում է news.am-ը։
Թեհրանը վճռականորեն դատապարտում է Սիրիայի դեմ ագրեսիան, ասվում է հայտարարության մեջ։ Դրանում նշվում է, որ Իրանը նախազգուշացնում է սիրիական տարածքի վրա հարձակումների բացասական հետեւանքների մասին ամբողջ տարածաշրջանի ու աշխարհի համար։
Իրանի ԱԳՆ-ն ամբողջ միջազգային համայնքին կոչ է արել դատապարտել ու համատեղ դիմակայել այդ ագրեսիային։
ԱՄՆ-ն, Մեծ Բրիտանիան ու Ֆրանսիան հարվածներ են հասցրել սիրիական կառավարական օբյեկտներին ապրիլի 14-ի լույս գիշերը։ Ռուսաստանի ՊՆ-ն ճշգրտել է, որ Սիրիայում քաղաքացիական ու ռազմական օբյեկտների վրա կոալիցիան արձակել է «օդ- հող» դասի ավելի քան 100 հրթիռ ։