Գլենդելի քաղաքային խորհուրդը քաղաքապետարանի աշխատակազմին կարգադրել է կազմել Հայ-ամերիկյան թանգարանի հողատարածքի վարձակալության վերջնական պայմանագիրը 95 տարվա վարձակալության պայմանով՝ տարեկան 1 դոլար վարձով։
Գլենդելի քաղաքային խորհուրդը հավանություն է տվել Հայ-ամերիկյան թանգարանի նախագծմանը
ՍՏԵՓԱՆԱԿԵՐՏ, ապրիլի 19, ԱՐՑԱԽՊՐԵՍ: Խորհուրդը նաեւ հավանություն է տվել Հայ-ամերիկյան թանգարանի նախագծման առաջին փուլին, փոխանցում է news.am-ը:
Հայոց ցեղասպանության 103-րդ տաերլիցի նախօրեին թանգարանի ստեղծման կողմնակիցները եւ հայ համայնքի ներկայացուցիչները հավաքվել են Գլենդելի քաղաքապետարանում՝ քաղաքային խորհրդի պատմական քվեարկությանն ականատես լինելու համար։ Թանգարանի ներկայացուցիչները ներկայացրել են 59,800 քառակուսի ֆունտ մակերեսով երեքհարկանի մշակութային եւ կրթական համալիրի իրենց տեսլականը, որը տեղակայված կլինի Կենտրոնական պուրակի հարավ-արեւմտյան հատվածում։
Թանգարանում կանցկացվեն ցուցահանդեսներ,կլինի կատարողական արվեստի թատրոն, ցուցադրական խոհանոց, ուսումնական կենտրոն, արխիվ, սրճարան եւ խանութ։
«Մենք ուրախ ենք, որ Գլենդելի քաղաքային խորհուրդը եւ Գլենգելի պաշտոնյաները կիսում են համաշխարհային մշակութային եւ կրթական կոնտրոնի ստեղծման մեր տեսլականը , որը մեր համայնքի հպարտությունը կլինի»,-հայտարարել է թանգարանի համանախագահ, արքեպիսկոպոս Հովնան Դերդերյանը։
«Հայ-ամերիկյան թանգարանը պատմական նախագիծ է, որը հռչակում է մշակույթը, կրթությունը եւ ընդլայնում հնարավորությունները, ինչպես նաեւ որպես կամուրջ կծառայի՝ միավորելով համայնքի տարբեր անդամների»,- նշել է թանգարանի համանախագահ, արքեպիսկոպոս Մուշեղ Մարտիրոսյանը։
