Թուրքիան քննարկում Է Ռուսաստանից եւս չորս-հինգ Կա-32Ա11ՎՍ նոր բազմանպատակային ուղղաթիռ գնելու հնարավորությունը:
Թուրքիան պլանավորում Է Կա-32 եւս չորս-հինգ ուղղաթիռ գնել Ռուսաստանից
ՍՏԵՓԱՆԱԿԵՐՏ, ապրիլի 26, ԱՐՑԱԽՊՐԵՍ-ԱՐՄԵՆՊՐԵՍ: Այդ մասին, ինչպես հաղորդել Է ՏԱՍՍ-ը, ապրիլի 26-ին Eurasia Airshow-ի կուլուարներում լրագրողներին պատմել Է«Ռուսաստանի ուղղաթիռներ» հոլդինգի (մտնում Է «Ռոստեխ» պետական կորպորացիայի մեջ) ղեկավար Անդրեյ Բոգինսկին:
«Թուրք գործընկերները շահագրգռված են հրդեհաշիջման եւ հատուկ գործողությունների համար նախատեսված Կա-32 ուղղաթիռների իրենց հավաքակազմի ընդլայնմամբ: Մենք այժմ ունենք երեք մեքենայի պարտավորագիր, քննարկվում Է շարժապահեստը մինչեւ յոթ-ութ հատ ավելացնելու հարցը, այսինքն՝ պլանավորվում Է մատկարարել եւս չորս-հինգ մեքենա»,-ասել Է նա:
Կա-32Ա11ՎՍ-ը միջին բազմանպատակային ուղղաթիռ Է, որը նախատեսված Է հրդեհաշիջման, որոնողափրկարարական առաջադրանքների, հիվանդներին եւ տուժածներին տարհանելու, ինչպես նաեւ պարեկության եւ հատուկ ծառայությունների գործողություններին օժանդակելու համար: Ուղղաթիռն օգտագործում են Ռուսաստանում, Կանադայում, Իսպանիայում, Պորտուգալիայում, Շվեյցարիայում, Չինաստանում, Հարավային Կորեայում, Ինդոնեզիայում եւ այլ երկրներում: