Անկարան ակնկալում է, որ Ռուսաստանի հետ վիզային ռեժիմը մինչեւ տարեվերջ կչեղարկվի կամ կդյուրացվի, հայտարարել է Թուրքիայի ԱԳ նախարար Մեւլութ Չավուշօղլուն:
Թուրքիան Ռուսաստանից ակնկալում է տարեվերջին վիզային ռեժիմի չեղարկում. Չավուշօղլու
ՍՏԵՓԱՆԱԿԵՐՏ, մայիսի 6, ԱՐՑԱԽՊՐԵՍ: Ռուսաստանը Թուրքիայի քաղաքացիների համար վիզային ռեժիմ է սահմանել 2015 թվականի նոյեմբերին երկու երկրների հարաբերությունների սառեցման ֆոնին, երբ Թուրքիայի ՌՕՈՒ-ն Սիրիայի երկնքում խոցել էր ռուսական Սու-24 ռմբակոծիչը:
«Կարծում եմ, որ Ռուսաստանի հետ վիզաները, նույնիսկ թեկուզ մասամբ, կչեղարկվեն: Հնարավոր է՝ այս տարեվերջին 2 երկրների նախագահները հեռախոսազրույցի կամ առաջին իսկ անձնական հանդիպման ժամանակ կասեն. «Արի վերջապես վիզաները չեղարկենք»,- հայտարարել է Չավուշօղլուն CNN Turk-ի հետ հարցազրույցում: