Artsakhpress

Մշակույթ

«Հայկական Շվեյցարիայից» մինչև Արցախ. համացանցում են CNN-ի ռեպորտաժի մասին պատմող տեսանյութերը

Արցախ այցելությունից մինչև Ադրբեջանի «սև ցուցակ»-ում հայտնվելը, հայկական լավաշից մինչև ավանդական կերակրատեսակների պատրաստումը, «հայկական Շվեյցարիայում» լինելուց մինչև նորարարական կրթության հետ ծանոթությունը, և այդ ամենը հայտնի հայ երաժիշտ Սերժ Թանկյանի ուղեկցությամբ. CNN-ի հաղորդավար Էնթոնի Բուրդենի կողմից նկարահանված ֆիլմը խոստանում է բացահայտել Հայաստանի ու Արցախի ամենագողտրիկ անկյունները:

«Հայկական Շվեյցարիայից» մինչև Արցախ. համացանցում են CNN-ի ռեպորտաժի մասին պատմող տեսանյութերը

«Հայկական Շվեյցարիայից» մինչև Արցախ. համացանցում են CNN-ի ռեպորտաժի մասին պատմող տեսանյութերը

ՍՏԵՓԱՆԱԿԵՐՏ, մայիսի 17, ԱՐՑԱԽՊՐԵՍ-ԱՐՄԵՆՊՐԵՍ: Ամերիկյան հեղինակավոր CNN հեռուստաընկերության «Էնթոնի Բուրդեն. անծանոթ տեղանքներ» հեռուստահաղորդման թրեյլերներն արդեն համացանցում են: Հայաստանի մասին պատմող էպիզոդն ամբողջությամբ կցուցադրվի մայիսի 20-ին:

«Ցեղասպանություն, պատերազմ, երկրաշարժ, Հայաստանը շատ բան է տեսել»,- նշել է հեղինակը: Անդրադառնալով արցախյան հակամարտությանը՝ նա ընդգծել է, որ դա ինչ-որ աշխարհաքաղաքական հակամարտություն չէ քարտեզի վրա, դրանից անմասն չի մնացել ոչ մի ընտանիք:

Եվ չնայած շատ հայեր թողնում են Հայաստանը՝ Բուրդենը համոզված է, որ սա մի վայր է, որը մեծ զգացմունքներ է առաջացնում միլիոնավոր սփյուռքահայերի շրջանում:

«Ես տարիներ շարունակ լսել եմ այս երկրի մասին: Ինձ ասում էին. «Ե՞րբ ես գնալու Հայաստան, ե՞րբ ես գնալու Հայաստան»: Վերջապես ես այստեղ եմ»,- նշել է Բուրդենը:

 

Բուրդենը պատմում է, որ Հայաստանը փոքր, քրիստոնյա երկիր է՝ շրջապատված գերազանցապես ոչ քրիստոնյա հարևաններով՝ Ադրբեջան, Իրան, Թուրքիա: Հեղինակն անդրադառնում է Հայաստանի՝ Թուրքիայի հետ ունեցած բարդ հարաբերություններին, ընդգծելով, որ Հայաստանի՝ այդ երկրի հետ կապված սարսափելի պատմությունը հայ ժողովրդի ինքնությունը պայմանավորած կենտրոնական ու վերջանական կետերից է: Խոսելով 103 տարի առաջ տեղի ունեցած Ցեղասպանության մասին՝ Բուրդենն ընդգծում է, որ Թուրքիան հերքում է դա՝ ասելով, որ կատարվածը պատերազմի հետևանք է:

Խոսելով Հայաստանի մայրաքաղաք Երևանի մասին, որն ունի 1 մլն բնակչություն, նա շեշտում է, որ հեռվում մշտապես երևացող Արարատ սարը մշտական հիշեցումն է այն մասին, թե ինչ է տեղի ունեցել դրա հակառակ կողմում:

Հեղինակը նշում է, որ Հայաստան այցի շրջանակում հայտնի հայ երաժիշտ Սերժ Թանկյանն օգնել է իրեն ճանաչել երկիրը:

 

Մեկ այլ տեսանյութում ներկայացվում է Հայաստանի խոհանոցը: Էնթոնի Բուրդենը և Սերժ Թանկյանը փորձում են հայկական խոհանոցի տարբեր ուտեստներ:

 

«Ահա թե ինչպես են Հայաստանում ստեղծվում գինին և սպիրտային խմիչքները». հայ արտադրողները պատմում են ալկոհոլային խմիչքներ պատրաստելու, սեղանի շուրջ կենացներ ասելու ավանդույթների մասին:

 

Տեսանյութերից մեկում հեղինակն անդրադառնում է Արցախ այցելության հետ կապված պաշտոնական Բաքվի կողմից բարձրացված մեծ աղմուկին: «Այս տարածաշրջան այցելությունը շարունակում է շատ զգայուն հարց լինել, մասնավորապես ադրբեջանցիների համար: Միայն այստեղ այցելելով ես, ինչպես ավելի ուշ կարդացի թերթերում, պաշտոնապես դարձա «ոչ ցանկալի անձ» Ադրբեջանում»,- նշում է Բուրդենը: Նա պատմում է, որ Արցախի ավանդական ուտեստներից է համարվում ժենգյալով հացը:

 

«Հայաստան. երկիր, որն ունի ազգային հաց». այսպես Բուրդենը խոսում է հայկական լավաշի մասին՝ ընդգծելով, որ այն ցանկացած հայկական սեղանի անբաժան մասն է: Հեղինակը նշում է, որ լավաշը պատրաստվում է թոնրի մեջ, իսկ դրա ավանդույթները փոխանցվում են սերնդեսերունդ: Նա այցելում է նաև հայկական ավանդական շուկա, ապա ներկայացնում ղափամա պատրաստելու հմտությունները:

 

«Կրթությունը նոր Հայաստանում». հեղինակը պատմում է ԹՈՒՄՈ ստեղծարար տեխնոլոգիաների կենտրոնի մասին՝ նշելով, որ Հայաստանի տարբեր շրջաններում գործող կենտրոններում ներգրավված է 14 հազար հայ երեխա, ընդ որում, այստեղ կրթությունն անվճար է:

 

Հեղինակը հաջորդ տեսանյութում պատմում է Սևանա լճի, ապա արդեն «հայկական Շվեյցարիայի»՝ Դիլիջանի մասին:


     

Քաղաքական

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Նիկոլ Փաշինյանն ու Անն-Լորանս Պետելը քննարկել են Հարավային Կովկասում տեղի ունեցող գործընթացները

Հայաստանի Հանրապետության վարչապետ Նիկոլ Փաշինյանն ընդունել է Ֆրանսիայի Ազգային ժողովի Ֆրանսիա-Հայաստան բարեկամական խմբի նախագահ Անն-Լորանս Պետելի գլխավորած պատվիրակությանը:

Ֆրանսիայի ԱԺ Ֆրանսիա-Հայաստան բարեկամական խումբն այցելել է Հայոց ցեղասպանության հուշահամալիր

Ֆրանսիայի Ազգային ժողովի Ֆրանսիա-Հայաստան բարեկամական խմբի ղեկավար Անն-Լորանս Պետելի գլխավորած պատվիրակությունը մարտի 27-ին այցելել է Հայոց ցեղասպանության հուշահամալիր՝ ՀՀ ԱԺ Հայաստան-Ֆրանսիա բարեկամական խմբի ղեկավար Վլադիմիր Վարդանյանի և ՀՀ-ում Ֆրանսիայի արտակարգ և լիազոր դեսպան Օլիվիե Դըկոտինյիի ուղեկցությամբ:

ՀՀ-ի և ԵՄ-ի միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար. «Հայաստանի բարեկամներ» ցանցի զեկույցը

Հայաստանի և Եվրոպական միության միջև վիզաների ազատականացման շուրջ երկխոսության մեկնարկը կարևոր քայլ կլինի հարաբերությունների խորացման համար։

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին

Ամենադիտված

ամիս

շաբաթ

օր

Search