Շախմատի կանանց հավաքականը չի մասնակցի աշխարհի առաջնությանը
12:49 20 մարտի, 2017
ՍՏԵՓԱՆԱԿԵՐՏ, մարտի 20, ԱՐՑԱԽՊՐԵՍ: Այս մասին ասել է Հայաստանի շախմատի ֆեդերացիայի գլխավոր քարտուղար Միքայել Անդրիասյանը: «Կանանց հավաքականը հաստատ չի մասնակցելու, իսկ տղամարդկանց հավաքականի պահով դեռևս վաղ է խոսել: Քանի որ մենք չմասնակցեցինք Բաքվի օլիմպիադային, իսկ տեղերը հիմնականում որոշվում են հենց այդ օլիմպիադայի արդյունքով: Դա էլ առաջնությանը մեր շախմատիստուհիների չմասնակցելու հիմնական պատճառն է: Սակայն ամեն ինչ պարզ կդառնա, երբ ՖԻԴԵ-ն հրապարակի իր թեկնածու հավաքականի անունը»,-ասաց Անդրիասյանը: Շախմատի աշխարհի կանանց և տղամարդկանց այս տարվա առաջնությունն անցկացվելու է ՌԴ Խանտի-Մանսիյսկ քաղաքում հունիսի 16-28-ը: