Ֆրանսիան դատապարտում է ԼՂ հակամարտության խաղաղ կարգավորման համար վնասաբեր ցանկացած հայտարարություն
18:18 7 մարտի, 2018ՍՏԵՓԱՆԱԿԵՐՏ, մարտի 7, ԱՐՑԱԽՊՐԵՍ-ԱՐՄԵՆՊՐԵՍ: Այս մասին լրագրողների հետ զրույցում հայտարարեց Հայաստանում Ֆրանսիայի դեսպան Ժոնաթան Լաքոտը՝ անդրադառնալով Ադրբեջանի նախագահ Իլհամ Ալիեւի՝ «Երեւանը վերադարձնելու» մասին վերջերս կատարած հայտարարությանը:
Նա եւս մեկ անգամ կոչ արեց նման հարցը բարձրացնելու ժամանակ հղում կատարել Ֆրանսիայի արտաքին գործերի նախարարության պաշտոնական հայտարարությանը:
«Այս հարցը կրկին հնչել է: Ուզում եմ ասել, որ Ադրբեջանի նախագահի՝ ձեր հիշատակած հայտարարության առնչությամբ Ֆրանսիայի արտգործնախարարությունն իր պատասխանը տվել է, այսինքն՝ Ֆրանսիան եւ, ավելի ընդարձակ ներկայացնեմ, Մինսկի խմբի համանախագահությունը պատասխանել է ադրբեջանական այդ հայտարարությանը»,-ասաց նա: