Հենրիխ Մխիթարյանը ճանաչվել է «Արսենալ»-ի փետրվար ամսվա լավագույն ֆուտբոլիստ

15:33   8 մարտի, 2018

ՍՏԵՓԱՆԱԿԵՐՏ, մարտի 8, ԱՐՑԱԽՊՐԵՍ-ԱՐՄԵՆՊՐԵՍ: Այս մասին հայտնում է «Արսենալ»-ի պաշտոնական կայքը:

«Հայ ֆուտբոլիստը ամիսը սկսեց հրաշալի մարզավիճակում` «Էվերթոն»-ի հետ խաղում կատարելով երեք գոլային փոխանցում: Նա ևս երկու գոլային փոխանցում կատարեց Եվրոպայի լիգայում «Էսթերսունդ»-ի դեմ խաղում` նպաստելով 0-3 հաշվով հաղթանակին: Փաստացի Մխիթարյանը փետրվարի ամսվա ընթացքում գոլային փոխանցում է կատարել յուրաքանչյուր 65.8 րոպեն մեկ անգամ:

Մխիթարյանը փետրվար ամսվա «Արսենալ»-ի լավագույն ֆուտբոլիստի կոչման համար պայքարում շրջանցել է Նաչո Մոնրեալին և Աարոն Ռեմսիին, ովքեր զբաղեցրել են համապատասխանաբար երկրորդ և երրորդ հորիզոնականները:



© artsakhpress.am