Artsakhpress

Միջազգային

Դոնալդ Թրամփը պատրաստ է կրկին «շաթդաուն» հայտարարել

 Գալիք շաբաթ ԱՄՆ-ի նախագահ Դոնալդ Թրամփը պատրաստ է կրկին դադարեցնել դաշնային կառավարության աշխատանքը («շաթդաուն»), եթե Կոնգրեսը չհատկացնի անհրաժեշտ միջոցներն ԱՄՆ-Մեքսիկա սահմանին պատ կառուցելու համար:

Դոնալդ Թրամփը պատրաստ է կրկին «շաթդաուն» հայտարարել

Դոնալդ Թրամփը պատրաստ է կրկին «շաթդաուն» հայտարարել
ՍՏԵՓԱՆԱԿԵՐՏ, 11 փետրվարի, ԱՐՑԱԽՊՐԵՍ: Այս մասին  հաղորդում  է  news.am-ը ՝ հղում կատարելով NBC հեռուստաալիքի եթերում Սպիտակ տան աշխատակիցների ապարատի ղեկավարի պաշտոնակատար Միք Մալվենիի հայտարարությանը:
Նրան հարցրել էին՝ կարո՞ղ է արդյոք նա բացառել նոր «շաթդաունի» հավանականությունը գալիք շաբաթ: «Ոչ, բացարձակապես չեմ կարող»,-ասել է Մալվենին:
Նա առաջարկել է դիտարկել իրավիճակը, որը կստեղծվի, եթե Կոնգրեսում առավել համառ պատգամավորներն առաջարկեն Թրամփին դիտարկել օրենքների փաթեթը, որն առհասարակ չի նախատեսում միջոցներ սահմանին պատ կառուցելու համար: «Կարո՞ղ է արդյոք նա  (ԱՄՆ-ի նախագահը) ստորագրել այդ փաստաթուղթը: Դա անհնար է»,-կտրուկ հայտարարել է Մալվենին:
«Դուք հարցրիք ինձ՝ կարո՞ղ եմ արդյոք ես լիովին բացառել նոր «շաթդաունի» հավանականությունը: Իմ պատասխանն է՝ ոչ»,-ամփոփել է Սպիտակ տան աշխատակիցների ապարատի ղեկավարի պաշտոնակատարը:
Հունվարի 25-ին Սպիտակ տունն ու Կոնգրեսը պայմանավորվել էին ժամանակավորապես վերականգնել ամբողջ ամերիկյան կառավարության գործունեության ֆինանսավորումը՝ այդկերպ դադարեցնելով 35 օր տեւած «շաթդաունը»: Սակայն այդ պայմանավորվածությունը ձեռք էր բերվել մինչեւ փետրվարի 15-ը: Դեռեւս հանրապետականներն ու դեմոկրատները չեն լուծել բյուջետային տարաձայնությունները, որոնք վերաբերում են հիմնականում ԱՄՆ-Մեքսիկա սահմանին վերահսկողությունն ամրապնդելու հարցին, եւ չեն վերացրել նոր «շաթդաունի» վտանգը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ստեփանակերտի քաղաքապետարանը կազմակերպել է գրական-երաժշտական երեկո

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտում գործում է «Վիտա Մեդ» բժշկական նոր կենտրոն

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Search