Artsakhpress

Մշակույթ

Նիկոլ Փաշինյանը շնորհավորել է Հրանտ Մաթևոսյանի հոբելյանը՝ մի հատված ընթերցելով նրանից

Այսօր` փետրվարի 12-ին, հայ գրող, արձակագիր, սցենարիստ Հրանտ Մաթևոսյանի ծննդյան օրն է:

Նիկոլ Փաշինյանը շնորհավորել է Հրանտ Մաթևոսյանի հոբելյանը՝ մի հատված ընթերցելով նրանից

Նիկոլ Փաշինյանը շնորհավորել է  Հրանտ Մաթևոսյանի հոբելյանը՝ մի հատված ընթերցելով նրանից

ՍՏԵՓԱՆԱԿԵՐՏ, 12 փետրվարի, ԱՐՑԱԽՊՐԵՍՀՀ վարչապետ Նիկոլ Փաշինյանը ֆեյսբուքյան իր էջում ուղիղ տեսակապով շնորհավորել է Հրանտ Մաթևոսյանի 84-րդ հոբելյանի առթիվ՝ ընթերցելով նրա «Ծառերը» ստեղծագործությունից մի հատված։

«Այս տողերում մոտավորապես նկարագրված էր այն, ինչ անցած տարի ՀՀ-ում տեղի ունեցավ, ըստ էության, մենք նախորդ տարի կատարեցինք Հրանտ Մաթևոսյանի պատգամը՝ մենք չկոտրվեցինք, և ապացուցեցինք, որ մեզ չեն կարող կոտրել։ Շնորհավոր Հրանտ Մաթևոսյանի ծննդյան օրը»։

Հրանտ Մաթևոսյանը ծնվել է 1935թ. Լոռիում՝ Ահնիձոր գյուղում։ Սովորել է գյուղի դպրոցում, ապա կրթությունը շարունակել է Կիրովականի մանկավարժական ուսումնարանում։ Սովորել է Երևանի Խաչատուր Աբովյանի անվան մանկավարժական ինստիտուտի պատմալեզվագրական ֆակուլտետում և ուսմանը զուգահեռ որպես սրբագրիչ աշխատել է «Սովետական գրականություն» ամսագրում ու Գրական թերթում։

Գրական ասպարեզ է իջել 1961 թվականին լայն արձագանք գտած «Ահնիձոր» ակնարկով։ Պատմվածքների առաջին ժողովածուն՝ «Օգոստոս», լույս է տեսել 1967 թ.։ ՍՍՀՄ գրողների միության անդամ 1964 թվականից։ 1996-2000 թթ. նախագահել է Հայաստանի գրողների միությունը։ Ստեղծագործությունները թարգմանվել և հրապարակվել են ռուսերեն, անգլերեն, ֆրանսերեն,գերմաներեն, լիտվերեն, մոլդովերեն, էստոներեն, վրացերեն, ղազախերեն, ղրղզերեն, ուկրաիներեն, չեխերեն, հունգարերեն, նորվեգերեն, բուլղարերեն և այլ լեզուներով։ Ունի դուստր և որդի։

     

Քաղաքական

Հասարակական

Ռազմական

Search