Artsakhpress

Մշակույթ

Ռուսական արվեստի թանգարանի արժեքավոր նմուշները կցուցադրվեն Արցախում. տարին հագեցած կլինի նաև այլ միջոցառումներով

2019 թվականը լինելու է հոբելյանական տարի: Տոնելու ենք հայ նշանավոր գրող Հովհաննես Թումանյանի և երգահան Կոմիտասի ծննդյան 150-ամյակները: Տարին հագեցած է լինելու մշակութային մի շարք այլ միջոցառումներով:

Ռուսական արվեստի թանգարանի արժեքավոր նմուշները կցուցադրվեն Արցախում. տարին հագեցած կլինի նաև այլ միջոցառումներով

Ռուսական արվեստի թանգարանի արժեքավոր նմուշները կցուցադրվեն Արցախում. տարին հագեցած կլինի նաև այլ միջոցառումներով
ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ այս մասին նախօրեին կայացած մամուլի ասուլիսի ժամանակ ասել է ԱՀ մշակույթի, երիտասարդության հարցերի և զբոսաշրջության նախարար Լեռնիկ Հովհաննիսյանը:
Նախարարի խոսքով՝ թատրոնի միջազգային օրը կկազմակերպվի միջոցառում՝ նվիրված դերասաններ  Թամարա Մելքումյանի և Բենիկ Օվչյանի 100-ամյակին: Բացի դրանից, միջոցառումներ կկազմակերպվեն կոմպոզիտորներ Տիգրան Մանսուրյանի և Ռոբերտ Ամիրխանյանի 80-ամյակին նվիրված:
«Նախատեսել ենք նաև ԼՂՀ Գերագույն խորհրդի առաջին նախագահ Արթուր Մկրտչյանի 60-ամյակին նվիրված ցուցահանդես, ֆիլմի ցուցադրություն և համերգ: Ցուցահանդես կկազմակերպվի նաև պետական և ռազմական գործիչ Արամ Մանուկյանի 140-ամյակին նվիրված: Տարվա ընթացքում Շուշիի կերպարվեստի պետական թանգարանի կողմից կազմակերպվող շրջիկ ցուցահանդեսներ կլինեն Հադրութ, Բերձոր, Մարտակերտ և Մարտունի քաղաքներում: Օգոստոս-սեպտեմբեր ամիսներին Ռուսական արվեստի թանգարանի արժեքավոր ցուցանմուշների ցուցադրություն կլինի Արցախում: Միջոցառումը կկազմակերպվի Ռուսական արվեստի թանգարանի, ԻԿՕՄ-ի հայկակական թանգարանների ազգային կոմիտեի և Թանգարանների աշխատողների ու բարեկամների ասոցիացիայի հետ համատեղ: Արցախի թանգարանային ոլորտի աշխատակիցների համար ԻԿՕՄ-ի հայկական թանգարանների ազգային կոմիտեի կողմից կկազմակերպվեն վերապատրաստման դասընթացներ: Կկազմակերպվի նաև «Արցախի պետական պատմաերկրագիտական թանգարանի արծաթյա զարդերը» խորագրով ցուցահանդեսի և գրքի հրատարակում: «Եվրոպական ժառանգության օրեր» ծրագրի շրջանակներում կանցկացվեն մի շարք միջոցառումներ: Շուշիի «Նարեկացի» արվեստի միության կողմից կկազմակերպվեն բրուտագործության դասընթացներ: Կկայանա նաև «BrutArt» կավագործության միջազգային սիմպոզիումը՝ ընդգրկելով Արցախի մյուս շրջանները: Այս ամենին զուգահեռ՝ Ստեփանակերտում կկայանա «Տատիս սնդուկը» խորագրով հին իրերի ցուցահանդես և «Արցախյան գորգարվեստ» մրցույթը: Հադրութում կրկին կլինի «Դիզակի գույները» խորագրով նկարչական սիմպոզիումը: Իսկ Դիլիջանում կայանալիք «Մշակութային վերածնունդ» արվեստների և արհեստների համահայկական փառատոնին Արցախի ներկայացուցիչների մասնակցության ապահովումը կիրականացվի նախարարության կողմից»,- ավելացրել է Լ. Հովհաննիսյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտի քաղաքապետարանը կազմակերպել է գրական-երաժշտական երեկո

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Երեքն են (վերլուծական)

Search