Artsakhpress

Հասարակական

Հեռուստատեսությունը և ռադիոն եղել են ղարաբաղյան շարժման և՛ խոսափողը, և՛ տարեգիրը. Վարդգես Բաղրյան

1988 թվականի փետրվարի տասներեքին Ստեփանակերտում տեղի է ունեցել առաջին համաժողովրդական հանրահավաքը, և պատահական չէ, որ շատերը գտնում են, որ Արցախյան շարժման սկիզբը հենց այդ օրն է եղել:

Հեռուստատեսությունը և ռադիոն եղել են ղարաբաղյան շարժման և՛ խոսափողը, և՛ տարեգիրը. Վարդգես Բաղրյան

Հեռուստատեսությունը և ռադիոն եղել են ղարաբաղյան շարժման և՛ խոսափողը, և՛ տարեգիրը. Վարդգես  Բաղրյան
ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍԱյս  մասին  «Արցախպրես»-ի  արտահաստիքային  թղթակցի  (Լիդիա  Սահակյան) հետ զրույցում ասել  է  արցախյան-ազատագրական շարժման ակտիվիստ, լրագրող, հրապարակախոս, Արցախի Հանրապետության Ազգային ժողովի պատգամավոր Վարդգես Բաղրյանը:
 
Նա  նշել է, որ  որպես Արցախի   քաղաքացի ու նաև որպես լրագրող իրեն  բախտ է վիճակվել մասնակցել և լուսաբանել  Արցախյան  շարժման   հանրահավաքը:
 
«Այսօրվա պես հիշում եմ այդ օրը:  Մենք   կարողացել   ենք  սպանել մեր միջի  ստրուկը, քանի  որ  մեր  մեջ  արթնացել էր ազային ոգին: Տեսնել էր պետք, թե  ինչպես էին ուրախությունից  փայլում մարդկանց աչքերն այդ օրերին:  Իմ գործընկերների հետ թե՛ 1988-ին  և  թե´ պատերազմի տարիներին լուսաբանել ենք և ղարաբաղյան շարժումը և մեր ազատամարտը: Ցավով եմ նշում, որ բազմաթիվ կադրեր, որոնք մենք նկարահանել ենք, չեն պահպանվել, քանի  որ  1992 թվականի փետրվարին ռմբակոծության հետևանքով ավերվել է  մեր հեռուստառադիոկենտրոնի շենքը, ոչնչացել   չորս տարվա մեր նկարահանումների ժապավենները, ինչպես  նաև տասնյակ տարիների ռադիոարխիվը: Հեռուստատեսությունն իր բնականոն աշխատանքը կարողացել  է  վերականգնել 1992 թվականի մայիսին:  Ճիշտ է, շաբաթը ընդամենը երեք օր էինք  եթեր  թողարկում, այն էլ մեկ ժամով, բայց մենք  չէինք  կարող  եթեր   դուրս  չգալ: Որևէ  վայր մեկնելու   համար տրանսպորտ  կամ  էլ  նորմալ տեսախցիկներ չունենալու, և այլ խոչընդոտների պատճառով երբևիցե չենք տրտնջացել: Եթե գնում ես առաջին գիծ նկարահանման, պետք է պատրաստ լինես ամեն ինչի: Մենք էլ մեր  գործի զինվորներն  էինք: Մեր ձեռքին զենք չկար, մեր զենքը տեսախցիկն էր, խոսափողը  և  գրիչը: Եվ  մենք  մեր  գործը  պատվով  ենք  արել»,-պատմել  է Վ.  Բաղրյանը՝  ավելացնելով, որ  այդ նկարահանումների հիման վրա հետագայում բազմաթիվ  վավերագրական  ֆիլմեր  են  պատրաստվել:
 
Մեր  զրուցակցի  կարծիքով՝   հեռուստատեսությունը և ռադիոն եղել են ղարաբաղյան շարժման և՛ խոսափողը, և՛ տարեգիրը:
 
«Ղարաբաղյան ազատամարտի լուսաբանումն Արցախի հանրայինով» գիրքը գրելու   օրերին  Վ.  Բաղրյանն    ուներ և՛ ուրախության ու  հպարտության,  և՛ ցավի  ու   տխրության   ապրումներ:
 
«Ցավալի է, որ շատ դեմքեր և դեպքեր դուրս են մնացել մեր տեսադաշտից: Եղել են օրհասական պահեր. 1992  թվականի ամռանն   Ադրբեջանը  ռազմաճակատի  է անցել և գրավել Շահումյանի, Մարտակերտի, Հադրութի շրջանները:  Նույնիսկ այդ դժնդակ  օրերին  էլ   մենք   հաղթանակի  նկատմամբ    մեր  հավատը  չէինք կորցրել: Հրապարակը լցված էր գաղթականներով, ահավոր վիճակ էր, տեսարանն  անկարագրելի  էր: Բայց  մենք  կարողացանք  անելանելի  վիճակից   պատվով  դուրս  գալ»,-մանրամասնել  է  Վ. Բաղրյանը: 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտի քաղաքապետարանը կազմակերպել է գրական-երաժշտական երեկո

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Երեքն են (վերլուծական)

Search