Artsakhpress

Հասարակական

Արցախում նվազել է սեփականության դեմ ուղղված հանցագործությունների թիվը

2018 թվականին 5 դեպքով նվազել է հանրապետության տարածքում գրանցված սեփականության դեմ ուղղված հանցագործությունների թիվը(2018թ.-ին՝ 174, 2017 թ.-ին՝ 179 դեպք):

Արցախում նվազել է սեփականության դեմ ուղղված հանցագործությունների թիվը

Արցախում նվազել է սեփականության դեմ ուղղված հանցագործությունների թիվը
ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ` այս մասին այսօր` փետրվարի 13-ին կայացած ամփոփիչ մամուլի ասուլիսի ժամանակ ասել է ԱՀ գլխավոր դատախազ Արթուր Մոսիյանը` մանրամասնելով, որ վարչատարածքային միավորների հանցագործությունների կատարման վերաբերյալ վիճակագրական տվյալների վերլուծությունից դիտվում է, որ  Ստեփանակերտ քաղաքում և շրջանների զգալի մասում արձանագրվել է սեփականության դեմ ուղղված հանցագործություների նվազում, իսկ աճ արձանագրվել է Ասկերանի և Մարտունու շրջաններում՝ համապատասխանաբար 9 և 15 դեպքով:
 
«Վերլուծելով սեփականության դեմ ուղղված հանցագործությունների պատճառները և դրանց կատարմանը նպաստող պայմանները՝ կարելի է արձանագրել, որ ինչպես նախորդ տարիներին, այնպես էլ հաշվետու ժամանակահատվածում դրանց կատարմանը նպաստող հիմնական պայմանը ազգաբնակչության զբաղվածության ցածր մակարդակն է (հանցագործություն կատարած 645 անձանցից 235-ը կամ շուրջ 36,4%-ը գործազուրկ է) և  սոցիալական ծանր վիճակը: Սեփականության դեմ ուղղված հանցագործությունների կատարմանը նպաստող պայման է  հանդիսացել նաև սեփականատիրոջ կողմից իր սեփականություն հանդիսացող գույքի նկատմամբ ոչ պատշաճ հսկողություն իրականացնելը, բնակարանների, ավտոմեքենաների դռների, պատուհանների  անփութությամբ բաց թողնելը,  նշված օբյեկտների անվտանգության պայմանների ոչ պատշաճ ապահովումը: Հիմնականում հանցագործությունները կատարվել են շահադիտակական դրդումներով, որոնց կատարման նպատակը հանդիսացել է ուրիշի սեփականության հաշվին հարստանալը: Հափշտակված առարկաները կամ դրամը օգտագործվել են կենցաղում, անձնական, գույքային կարիքները հոգալու համար: Սեփականության դեմ ուղղված հանցագործությունների ծնող պատճառների  ու դրանց նպաստող պայմանների մեջ գերակշռող գործոններ շարունակում են հանդիսանալ հեշտությամբ նյութական արժեքներ ձեռք բերելու, համեմատաբար անհոգ կյանք վարելու ձգտումը և այլն: Սեփականության դեմ ուղղված հանցագործությունների բացահայտման ցուցանիշը նվազել է և հաշվետու ժամանակահատվածում կազմել է 92,3%(2017 թվականին՝ 94,6%)»,- ավելացրել է Ա. Մոսիյանը:
 
ԱՀ գլխավոր դատախազի խոսքով՝ հաշվետու ժամանակահատվածում հանրապետության տարածքում 9-ով աճել են պետական կամ հանրային գույքի հափշտակության դեպքերը: 2018 թ.-ին գրանցվել է նման բնույթի հանցագործության 27 դեպք, նախորդ տարվա նույն ժամանակահատվածում՝ 18 դեպք:  2018 թ.-ին  ավազակության և  կողոպուտի  եղանակով պետական կամ հանրային գույքի հափշտակության  դեպքեր չեն արձանագրվել: Հաշվետու ժամանակահատվածում արձանագրվել է պետական կամ հանրային գույքի՝ խարդախության 9(2017 թ.-ին՝ 0) եղանակով հափշտակության յուրացման կամ վատնման 6 (2017 թ.-ին՝ 9) դեպք: 2 դեպքով աճել են գողության եղանակով պետական կամ հանրային գույքի հափշտակության դեպքերը(2018թ.-ին՝ 9, 2017-ին՝ 7):
 
«Ողջունելի է այն փաստը, որ հաշվետու ժամանակահատվածում հանրապետության տարածքում գրանցված անձնական գույքի հափշտակության դեպքերը նվազել են 14-ով(2018 թ.-ին՝ 147, 2017 թ.-ին՝ 161 դեպք), որից գողության 111(2017 թ.-ին՝ 125) դեպք, ընդ որում դրանցից 8-ը(2017 թ.-ին՝ 16-ը)  բնակարանային գողության  դեպքեր են:  5 դեպքով աճել են խարդախության եղանակով անձնական գույքի հափշտակության դեպքերը(2018 թ.-ին՝ 15, 2017 թ.-ին 10), իսկ յուրացման կամ վատնման եղանակով անձնական գույքի հափշտակության դեպքերի թիվը նվազել է 3-ով (2018 թ.-ին՝ 2, 2017 թվականին՝ 5 դեպք)»,- նշել է Ա. Մոսիյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտի քաղաքապետարանը կազմակերպել է գրական-երաժշտական երեկո

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Երեքն են (վերլուծական)

Search