Artsakhpress

Միջազգային

Ադրբեջանական ընդդիմությունը սկսել է պատրաստվել հաջորդ համազգային հանրահավաքին

Ադրբեջանի գլխավոր ընդդիմադիր «Ժողովրդավարական ուժերի ազգային խորհրդի» նախագահ Ջամիլ Հասանլին «Թուրան» լրատվական գործակալության հետ զրույցում նշել է, որ ընդդիմության կողմից հունվարի 19-ին կազմակերպված հանրահավաքի արդյունքները եղել են սպասվածից ավելին, և ընդդիմությունը պատրաստվում է հաջորդ համազգային հանրահավաքին:

Ադրբեջանական ընդդիմությունը սկսել է պատրաստվել հաջորդ համազգային հանրահավաքին

Ադրբեջանական ընդդիմությունը սկսել է պատրաստվել հաջորդ համազգային հանրահավաքին

ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍ-ԱՐՄԵՆՊՐԵՍ:Այս մասին հայտնում է ադրբեջանական «Թուրան» լրատվական գործակալությունը:

Հասանլիի փոխանցմամբ` հունվարի 19-ի հանրահավաքը եղել է «Ժողովրդավարական ուժերի ազգային խորհրդի» կողմից կազմակերպված 20-րդ հանրահավաքը, և այս հանրահավաքը նախորդների համեմատ եղել է ամենա մասսայականը:
«Հանրահավաքը չի նշանակում, որ բոլորը պետք է հրապարակում լինեն: Բնակչության ակտիվ հատվածի մասնակցությունն արդեն իսկ արտահայտում է բնակչության վճռականությունն ու կամքը: Հունվարի 19-ի հանրահավաքի արդյունավետությունն ավելի մեծ ստացվեց և իշխանությունները հասկացան, թե ինչ ճգնաժամի մեջ են գցել հասարակությանը»,-նշել է Հասանլին:
Հասանլին նշել է, որ այդ հանրահավաքը ցույց տվեց, որ քաղաքացիական հասարակությունն ամբողջովին ճնշված չէ:
«Իշխանությունները համոզված էին, որ արդեն ճնշել են քաղաքացիական հասարակությանն ու ընդդիմությանը, և այն այլևս չի կարող հանդես գալ իշխանության դեմ, սակայն հանրահավաքը ցույց տվեց, որ այդպես չէ»,-հավելել է ընդդիմության առաջնորդը:
Հասանլին նշել է, որ խորհուրդը շարունակելու է հանրահավաքները, և իշխանությունները ստիպված են լինելու թույլատրել:
«Եթե իշխանությունները չթույլատրեն հանրահավաքները, կխախտեն հանրահավաքների ազատության մասին սահմանադրական օրենքը, ինչպես նաև միջազգային պարտավորությունները»,-եզրափակել է Հասանլին:
Ընդդիմադիր առաջնորդի խոսքով` հաջորդ հանրահավաքը նվիրված է լինելու խնդրահարույց վարկերին:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կամո Աղաջանյանը նշանակվել է ԱՀ Նախագահի ներկայացուցիչ՝ հատուկ հանձնարարությունների գծով

Նախագահական ընտրություններին առաջադրվելու նպատակով սկսում եմ քաղաքական կոնսուլտացիաներ. Վիտալի Բալասանյան

Դրմբոն-Ստեփանակերտ ճանապարհին մեքենան գլորվել է ձորը, կան տուժածներ

«Ով ուժեղ է, նա էլ ճիշտ է». Ալիևը հայտարարել է, որ Արցախի հիմնահարցի՝ ուժի միջոցով լուծման տարբերակը միշտ էլ օրակարգային է իրենց համար

Բակո Սահակյանն ընդունել է Արցախյան շարժման մի խումբ ակտիվիստների

Ամենայն հավանականությամբ, մեր կուսակցությունը ևս թեկնածու կառաջադրի. Վարդգես Բաղրյան

Ստեփանակերտի քաղաքապետարանը կազմակերպել է գրական-երաժշտական երեկո

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 16- ին

Երեքն են (վերլուծական)

Search