Artsakhpress

Հարցազրույց

Իրանաադրբեջանական սահմանին ի՞նչ հանգամանքերում է սպանվել Ադրբեջանի քաղաքացին

Իրանական և ադրբեջանական ԶԼՄ-ների հաղորդմամբ՝ օրերս Իրանի և Ադրբեջանի սահմանին տեղի է ունեցել զինված միջադեպ, որի ընթացքում մեկ մարդ է զոհվել:

Իրանաադրբեջանական սահմանին ի՞նչ հանգամանքերում է սպանվել Ադրբեջանի քաղաքացին

Իրանաադրբեջանական սահմանին ի՞նչ հանգամանքերում է սպանվել Ադրբեջանի քաղաքացին

ՍՏԵՓԱՆԱԿԵՐՏ, 13 փետրվարի, ԱՐՑԱԽՊՐԵՍԹեմայի վերաբերյալ մեկնաբանություն տալու նպատակով «Ermenihaber.am»-ը զրուցել է իրանագետ Արմեն Իսրայելյանի հետ:

Ի՞նչ հանգամանքներում է զոհվել սահմանախախտը, իրանական կողմն ինչպե՞ս է արձագանքել միջադեպին:
Սպանվածը եղել է Ադրբեջանի քաղաքացի: Միջադեպի առնչությանբ հակասական տեղեկատվություն է հրապարակվել: Ըստ ադրբեջանական կողմի՝ սահմանախախտը փորձել է Իրանի տարածքից մուտք գործել Ադրբեջանի տարածք: Ադրբեջանցի սահմանապահների նախազգուշացումից հետո սահմանախախտը փորձել է հետ շարժվել դեպի Իրանի կողմ, և նրանց արձակած կրակից սպանվել է:
Իրանի Արդաբիլ նահանգի սահմանապահ ծառայության հրամանատար Հուշանգ Հոսեյնին, նախ հերքել է որոշ լրատվամիջոցների տարածած տեղեկատվությունը, թե Ադրբեջանի քաղաքացին սպանվել է Իրանի սահմանապահների կողմից: Գեներալ Հոսեյնին պարզաբանել է, որ սահմանախախտը դեպի Իրանի սահմանի ուղղությամբ է շարժվել Ադրբեջանի կողմից, սակայն իրանցի սահմանապահների նախազգուշացումից հետո փորձել է հետ վերադառնալ: Իրանցի պաշտոնյայի պնդմամբ՝ նա սպանվել է Ադրբեջանի տարածքում, ադրբեջանցի սահմանապահների կողմից: 
Ի՞նչ իրավիճակ է տիրում Իրանի և Ադրբեջանի սահմանին: Հաճախակի՞ են նման միջադեպեր տեղի ունենում:
Վերջին տարիներին Իրանը սահմանային անցակետներն արդիականացնելու ուղղությամբ լուրջ աշխատանքներ է կատարել: Հատկապես Ադրբեջանի հետ սահմանը մշտապես գտնվում է Իրանի սահմանապահ ծառայության հրամանատարի ուշադրության ներքո և վերջինս տեղում իրավիճակին ծանոթանալու համար անձամբ է շրջայցեր կատարում:
Իրանի մտահոգությունները հիմնականում առնչվում են վերջին տարիների ընթացքում Ադրբեջանի քաղաքացիների՝ Իրաքում և Սիրիայում գործող ահաբեկչական խմբավորումների կազմում գործողությունների մասնակցությանը. Ըստ Ադրբեջանի ԱԱԾ պետի հաղորդած տվյալների՝ նրանց թիվը կազմում է 1000:
Բացի այդ՝ Իրանին նաև մտահոգում է Ադրբեջան-Իսրայել և Ադրբեջան-Սաուդյան Արաբիա փոխհարաբերությունների արդյունքում Իրանի սահմանին հնարավոր անկայուն իրավիճակի առաջացումը:
Ինչ վերաբերում է հարցի երկրորդ մասին՝ եթե ուսումնասիրում ենք վերջին մեկ տասնամյակի ընթացքում Իրանի և Ադրբեջանի սահմանին արձանագրված զինված միջադեպերը, ապա դրանք հիմնականում համընկել են այն ժամանակշրջանի հետ, երբ երկու երկրների հարաբերություններում փոխադարձ անվստահության մթնոլորտ է ձևավորվել: 2010-2013թթ., երբ Իրանի և Ադրբեջանի հարաբերությունները չափազանց լարված էին, մեկ տասնյակից ավել զինված միջադեպ է տեղի ունեցել, ընդ որում, ոչ միայն սահմանախախտների մասնակցությամբ, այլև երկու երկրների սահմանապահների միջև փոխհրաձգությամբ:
2011թ. հոկտեմբերի 19-ին սահմանային Արանլի գյուղի շրջակայքում տեղի ունեցած զինված միջադեպի հետևանքով զոհվել էր Իրանի սահմանապահ ծառայության 20-ամյա զինծառայող Աքբար Հասանփուրը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Search