Artsakhpress

Հասարակական

Մայրաքաղաքում հանցագործություն կատարած անձանց մեջ մեծ թիվ են կազմում կանայք

2018 թվականին Հանրապետությունում արձանագրված 739 հանցագործության դեպքից միայն 59-ը կամ 7,9%-ն են կազմել ծանր և առանձնապես ծանր հանցագործությունների դեպքերը: Ողջունելի է նաև այն փաստը, որ կրկնակի նվազել է սեռական անձեռնմխելիության դեմ ուղղված հանցագործությունների թիվը:

Մայրաքաղաքում հանցագործություն կատարած անձանց մեջ մեծ թիվ են կազմում կանայք

Մայրաքաղաքում հանցագործություն կատարած անձանց մեջ մեծ թիվ են կազմում կանայք
ՍՏԵՓԱՆԱԿԵՐՏ, 14 փետրվարի, ԱՐՑԱԽՊՐԵՍ«Արցախպրես»-ի թղթակցի հաղորդմամբ` այս մասին նախօրեին կայացած մամուլի ասուլիսի ժամանակ ասել է ԱՀ գլխավոր դատախազ Արթուր Մոսիյանը` մանրամասնելով, որ, ուսումնասիրելով հանցագործություն կատարած անձանց կրիմինոլոգիական հատկանիշները, պարզվել է, որ հանցագործությունների տեսակարար կշռում էական մաս են կազմում արական սեռի ներկայացուցիչները:
«2018 թ.-ի  ցուցանիշներով՝ հանցագործություն կատարած 645 անձանցից 588-ը արական սեռի ներկայացուցիչներ են, 57-ը` իգական: Հարկ է ընդգծել, որ եթե Արցախի շրջաններում գերակշռում են արական սեռի հանցագործություն կատարած անձինք, ապա Ստեփանակերտ քաղաքում արձանագրված հանցագործությունների տեսակարար կշռում մեծ թիվ են կազմում նաև իգական սեռի ներկայացուցիչները: Ըստ տարիքային խմբերի՝ հանցագործություն կատարած անձանցից 4-ը 14-15 տարեկաններ են, 27 անձ՝ 16-17 տարեկաններ, 98-ը՝ 18-24 տարեկաններ, 98-ը՝ 25-29 տարեկաններ, 287-ը՝ 30-49 տարեկաններ, 131-ը՝ 50 տարեկան և ավելի: Հանցագործություն կատարած անձանց տարիքային առանձանահատկությունների ուսումնասիրությունը ցույց է տալիս, որ 14-24 տարեկան հանցագործություն կատարած անձինք մեծ թիվ են կազմել Մարտունու և Մարտակերտի շրջաններում ու Ստեփանակերտ քաղաքում: Հանցագործություն կատարած անձանցից 552-ը Արցախի քաղաքացիներ են, 88-ը՝ ՀՀ քաղաքացիներ, 4-ը՝ օտարերկրացի, 1-ը՝ քաղաքացիություն չունեցող անձ: ՀՀ քաղաքացի հանդիսացող անձանց կողմից կատարված հանցագործությունները արձանագրվել են հիմնականում Քաշաթաղի և Շահումյանի շրջաններում, ինչը պայմանավորված է նշված շրջանների՝ Հայաստանի Հանրապետության հետ սահմանակից լինելու հանգամանքով»,- ավելացրել է Ա. Մոսիյանը:
ԱՀ գլխավոր դատախազի խոսքով՝ ըստ կրթական մակարդակի՝  հանցագործություն կատարած անձանցից 35-ը ունեն տարրական, 398-ը՝ միջնակարգ,   69-ը՝ միջնակարգ-մասնագիտական, 12-ը՝ թերի բարձրագույն, 124-ը՝ բարձրագույն կրթություն: Հատկանշական է, որ 7 անձ չունի նույնիսկ տարրական կրթություն: Բարձրագույն կրթություն ունեցող հանցագործություն կատարած անձանց մեծ թիվ է արձանագրվել Ստեփանակերտ քաղաքում, Մարտունու, Քաշաթաղի և Ասկերանի շրջաններում:
Ըստ սոցիալական վիճակի՝ 60-ը ծառայողներ են, 48-ը՝ բանվոր, 83-ը՝ վարձու աշխատող, 29-ը՝ անհատ ձեռնարկատեր, 2-ը՝ գյուղատնտեսությամբ զբաղվող,    235-ը՝ գործազուրկ, 20-ը՝ սովորող, որից 7-ը՝ ուսանող, 168-ը՝ այլ զբաղմունքի տեր անձինք:
Հանցանքը կատարելու պահին 51 անձինք գտնվել են ալկոհոլային հարբածության վիճակում:  Թմրանյութի ազդեցության կամ թունային հարբեցողության վիճակում կատարված հանցագործության դեպքեր չեն արձանագրվել:
«Միևնույն ժամանակ անհրաժեշտ է ընդգծել, որ հանցագործությունների թվի կտրուկ աճ է արձանագրվել Մարտունու շրջանում՝ 58 դեպքով կամ 68%-ով, ինչը պայմանավորված է նախկին տարիներին կատարված, բայց 2018 թ.-ին բացահայտված հանցագործությունների դեպքերով»,- նշել է Ա. Մոսիյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Search