Artsakhpress

Տնտեսական

Երկրաբանական հետազոտությունների ինստիտուտը Արցախում իրականացրել է գեոֆիզիկական հետազոտություններ

Այսօր՝ փետրվարի 15-ին, ԱՀ գյուղատնտեսության նախարարությունում կայացել է Արցախի Հանրապետության տարածքում երկրաֆիզիկական մեթոդներով գրունտային և ստորգետնյա ջրերի հայտնաբերման նպատակով կատարված ուսումնասիրությունների արդյունքների ներկայացումը:

Երկրաբանական հետազոտությունների ինստիտուտը Արցախում իրականացրել է գեոֆիզիկական հետազոտություններ

Երկրաբանական հետազոտությունների ինստիտուտը Արցախում իրականացրել է գեոֆիզիկական հետազոտություններ
ՍՏԵՓԱՆԱԿԵՐՏ, 15 փետրվարիԱՐՑԱԽՊՐԵՍ«Արցախպրես»-ի թղթակցի հաղորդմամբ՝ պրեզենտացիային ներկա ԱՀ գյուղատնտեսության նախարար Ժիրայր Միրզոյանն ասել է, որ ուսումնասիրությունները կատարվել են գերատեսչության պատվերով:
«ՀՀ Գիտությունների ազգային ակադեմիայի հետ համագործակցության բավարար փորձ արդեն ունենք: Տևական ժամանակ է՝ մենք համագործակցում ենք Արցախում խորքային ջրերի ուսումնասիրության, ջրերի խորության, քանակական ցուցանիշները բացահայտելու և, ընդհանուր առմամբ,  մեր արտեզյան խորքային հորերի ծրագրի արդյունավետությունը բարձրացնելու ուղղությամբ: Սա գիտական շրջանակների հետ գյուղատնտեսության նախարարության առաջին համագործակցությունը չէ, սակայն, կարծում եմ, ամենակարևորն է, քանի որ երկրաբանական և մակերևութային ջրերի աշխարհագրությունը տարածքային իմաստով անհամաչափ է: Ունենք որոշակի սահմանափակումներ գետերում, ջրամբարներում, հետևաբար մեր ծրագրերի կանխատեսելիության առումով ավելի արդյունավետ և նպատակահարմար է օգտագործել խորքային և գրունտային ջրերը»,- մանրամասնել է Ժ. Միրզոյանը:
Իր հերթին ՀՀ Գիտությունների ազգային ակադեմիայի երկրաբանական հետազոտությունների ինստիտուտի տնօրեն Խաչատուր Մելիքսեթյանը շնորհակալություն է հայտնել ԱՀ գյուղատնտեսության նախարարությանը՝ վստահության և ուսումնասիրությունները կատարելու նպատակով ստեղծված բարենպաստ պայմանների համար:
«Ակնհայտ է, որ այս ամենը Արցախի գյուղատնտեսության և տնտեսական զարգացման համար կարևոր նշանակություն ունի: Մեր ինստիտուտը դեռ 1990-ական թվականներից համագործակցում է Արցախի հետ: Ժամանակին այստեղ գործում էր ինստիտուտի լաբորատորիան, որի հիման վրա հետագայում ստեղծվել է Արցախի երկրաբանական էքսպեդիցիան: Ինստիտուտը մեծ փորձ ունի երկրաֆիզիկական մեթոդներով ստորգետյա ջրային պաշարների ուսումնասիրության ոլորտում: Գեոֆիզիկական լաբորատորիան հագեցած է անհրաժեշտ սարքավորումներով, որոնք թույլ են տալիս մինչև 150 մետր խորությամբ ուսումնասիրություններ կատարել ու առանձնացնել հեռանկարային տեղամասեր, որտեղ էլ հետագայում կարելի է իրականացնել հորատման աշխատանքներ: Գեոֆիզիկական հետազոտությունների առավելությունը հիմնականում կայանում է նրանում, որ այն անհամեմատ ավելի էժան է: Հետազոտություններն իրականացվել են մի քանի փուլով: Առաջին փուլում հեռահար զննման և երկրաբանական տվյալների մշակման աշխատանքներ են իրականացվել, երկրորդ փուլում՝ երկրաֆիզիկական հետազոտություններ, իսկ արդեն հաջորդ փուլում այդ տեղամասերում նախատեսում ենք աղբյուրներն ուսումնասիրել ավելի մանրամասն»,- ավելացրել է Խ. Մելիքսեթյանը:
Ներկայացնելով կատարված ուսումնասիրության արդյունքները՝ ՀՀ ԳԱԱ Երկրաբանական գիտությունների ինստիտուտի լաբորատորիայի վարիչ Միքայել Գևորգյանն ասել է, որ կատարել են դաշտային և լաբորատոր ուսումնասիրություններ:
«Աշխատանքներն իրականացվել են Ասկերան, Բերդաշեն և Ճարտար համայնքներում առաջարկված 4 տեղամասերում: Կատարված հետազոտությունների տվյալների համատեղ մշակման և վերլուծության արդյունքում հարկ է ընդգծել, որ Բերդաշենի և Ճարտարի թվով 3 տեղամասերը հեռանկարային չեն ստորերկրյա ջրային պաշարների հայտնաբերման ու ոռոգման նպատակով կիրառման տեսանկյունից: Ասկերանի տեղամասը ստացված տվյալների վերլուծության արդյունքում առանձնացվել է որպես հեռանկարային, և առաջարկվում է այստեղ իրականացնել հորատման աշխատանքներ՝ 70-150 մետր ստորերկրյա ջրային ավազանի ուսումնասիրման նպատակով»,- նշել է Մ. Գևորգյանը:
Պրեզենտացիային ոլորտի աշխատակիցների կողմից բարձրացվել են թեմային առնչվող մի շարք հարցեր:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Հայտնի են «Վերջին զանգ»-ի առթիվ կայանալիք տոնական միջոցառումների օրերը

ՀՀ գլխավոր դատախազի հանձնարարությունը

«Էրեբունի» բժշկական կենտրոնի մի խումբ բժիշկներ Ստեփանակերտում իրականացնում են հետազոտություններ

Search