2018 թվականին Արցախ է այցելել 28 հազար 588 օտարերկրյա քաղաքացի, որը նախորդ տարվա համեմատ աճել է 23 %-ով:
Արցախ այցելած զբոսաշրջիկների թիվն աճել է 23%-ով. ոլորտի պատասխանատու
ՍՏԵՓԱՆԱԿԵՐՏ, 7 մարտի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ մշակույթի, երիտասարադության հարցերի և զբոսաշրջության նախարարության զբոսաշրջության և պետական միջավայրի պահպանության վարչության զբոսաշրջային ենթակառուցվածքների, ծրագրերի և վերահսկողության բաժնի պետ Սերգեյ Սարգսյանը:
Նա նշել է, որ օտարերկրյա քաղաքացիներն Արցախ են այցելել աշխարհի 87 երկրներից:
«Այս տարի Իսրայելից Արցախ է այցելել շուրջ 112 զբոսաշրջիկ՝ գրանցելով աննախադեպ ցուցանիշ: Զբոսաշրջիկների մեծ մասը հիմնականում նախընտրում է Ստեփանակերտը, Շուշին, Տիգրանակերտը, Դադիվանքը, Գանձասարը, Ազոխի քարանձավը»,-ավելացրել է Ս. Սարգսյանը՝ հավելելով, որ օտարերկրյա քաղաքացիներն Արցախի մասին տեղեկություններ են ստանում մայրաքաղաքի, Շուշիի, Տիգրանակերտի և Ծազկաշատի զբոսաշրջային տեղեկատվական կենտրոններից:
