Artsakhpress

Քաղաքական

Աշոտ Ղուլյանը Եվրոպա կատարած այցն ամփոփել է ասուլիսով

Այսօր՝ մարտի 15-ին, տեղի է ունեցել ԱՀ Ազգային ժողովի նախագահ Աշոտ Ղուլյանի մամուլի ասուլիսը, որի ընթացքում նա ամփոփել է վերջերս իր գլխավորած պատվիրակության՝ Բելգիա և Նիդեռլանդներ կատարած այցի ընթացքում ունեցած հանդիպումների արդյունքները:

Աշոտ Ղուլյանը Եվրոպա կատարած այցն ամփոփել է ասուլիսով

Աշոտ Ղուլյանը Եվրոպա կատարած այցն ամփոփել է ասուլիսով
ՍՏԵՓԱՆԱԿԵՐՏ, 15 մարտի, ԱՐՑԱԽՊՐԵՍ:  «Արցախպրես»-ի թղթակցի հաղորդմամբ՝ ասուլիսին Աշոտ Ղուլյանն ասել է, որ այցի ընթացքում Հաագայում հայկական կազմակերպությունների ֆեդերացիայի նախաձեռնությամբ հրավիրվել է Նիդեռլանդների խորհրդարանի 5 կուսակցությունների ներկայացուցիչների հետ հանդիպում, որտեղ հնարավորություն է ընձեռվել ներկայացնելու Արցախը և պատասխանելու ներկաներին հուզող հարցերին:
«Այդ հարցերից պարզ է դարձել, որ Արցախի հանդեպ կա որոշակի հետաքրքրություն: Հոլանդիայի հետ մեր հարաբերությունները զարգացնելու նպատակով ունենք անելիքներ: Ինձ համար այս հանդիպումը մեծ հույսեր է ներշնչել, քանի որ մենք կարող ենք ինչպես եվրոպական մի քանի երկրների, այնպես էլ Հոլանդիայի խորհրդարանական շրջանակների հետ որոշակի ինստիտուցիոնալ հարաբերություններ ունենալ, և դա արդեն կախված է լինելու մեր հետագա աշխատանքից: Բացի դրանից, մարտի 6-ին Եվրոպական խորհրդարանում կայացել է «Հայատյացություն. Պատմական և արդի դրսևորումները» խորագրով համաժողով, որը կազմակերպվել է Եվրոպայի Հայ դատի հանձնախմբի և Թուֆենկյան հիմնադրամի ջանքերով, Եվրոպական խորհրդարանի պատգամավոր Էլենի Թեոխարուսի աջակցությամբ: Համաժողովի թեման արդիական է ոչ միայն արցախյան կարգավորման խորապատկերի վրա, այլև ամբողջ աշխարհում, քանի որ այլատյացությունն այսօր դարձել է լուրջ սպառնալիք: Համաժողովին ելույթ են ունեցել նաև ԱՀ Մարդու իրավունքների պաշտպան Արտակ Բեգլարյանը, նախկին պաշտպան Ռուբեն Մելիքյանը»,- մանրամասնել է Ա. Ղուլյանը:
Խորհրդարանի ղեկավարի խոսքով՝  համաժողովին մասնակցել են նաև ադրբեջանցի երիտասարդներ, ովքեր փորձել են ներկայանալ քողարկված՝ որպես Ռուսաստանի Դաշնությունից Եվրոպայում սովորող ուսանողներ:  Նրանք հարցեր էին նախապատրաստել, որոնց միջոցով փորձում էին ներկայացնել իրենց տեսակետը, ինչը, Աշոտ Ղուլյանի կարծիքով, նման համաժողովների համար բնական է:
«Եվրախորհրդարանում տեղի ունեցած համաժողովն առիթ էր, մի շարք այլ հանդիպումներ կազմակերպելու համար, մասնավորապես՝ ֆրանսիացի պատգամավոր, Սոցիալիստների խմբակցության անդամ Սիլվի Գիյոմի, Բելգիայի Թագավորությունում ՀՀ դեսպան Թաթուլ Մարգարյանի, Նիդեռլանդների Թագավորությունում  ՀՀ նորանշանակ դեսպան Տիգրան Բալայանի հետ, ինչպես նաև ՀՀ և ԱՀ Եվրախորհրդարանի հետ բարեկամության խմբերի անդամների հետ»,- նշել է Ա. Ղուլյանը:
Մամուլի ասուլիսին Խորհրդարանի ղեկավարը պատասխանել է նաև լրագրողների կողմից հնչեցված մի շարք այլ հարցերի:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանը զառանցում է. Վիտալի Բալասանյանը՝ աղմկահարույց սպանությունների մասին

Ռոբերտ Քոչարյանը ազատ կարձակվի. դատարանն ընդունեց կալանքը փոխելու վերաբերյալ երաշխավորությունը

Ի՞նչ նոր քարտեզի մասին է խոսում Սամվել Բաբայանը. Վիտալի Բալասանյանը հրեշավոր է համարում այդ ծրագիրը

Լևոն Հայրապետյանի ծանր օրերին նախագահ Սահակյանն արել է ամեն ինչ՝ հնարավորն ու անհնարինը․ Արշավիր Ղարամյան

Արցախում ապրող ամեն մի ընտնաիքի համար բնակարան ձեռք բերելը կդարձնենք ավելի մատչելի. Արայիկ Հարությունյան

Բակո Սահակյանն ու Արկադի Ղուկասյանը երաշխավորեցին Քոչարյանի ազատության համար. նրանք 500.000–ական դրամ են վճարել

ՀՀ գլխավոր դատախազի հանձնարարությունը

Ռուսական Առաջին ալիքը չեղարկել է մանկական «Ձայնը» հեռուստանախագծի քվեարկության արդյունքները

Պետք է աջակցել ՀՀ իշխանություններին, վարչապետ Նիկոլ Փաշինյանին՝ համախմբվելով արտաքին վտանգի դեմ. Արայիկ Հարությունյան

Search