ՍՏԵՓԱՆԱԿԵՐՏ, 18 մարտի, ԱՐՑԱԽՊՐԵՍ: Ավելի վաղ հաղորդվել էր մեկ զոհի և բազմաթիվ վիրավորների մասին։

Ներկա պահին ոստիկանությունը հետապնդում է ծագումով թուրք 37-ամյա տղամարդուն, որը կասկածվում է հրաձգությունն իրականացնելու մեջ, փոխանցում  է tert.am-ը:

Հրաձգությունն իրականացրած անձը կարմիր ավտոմեքենայով փախուստի էր դիմել դեպքի վայրից։ Ավելի ուշ մեքենան հայտնաբերվել էր մոտ 5 կմ հեռավորության վրա։ Առայժմ դեպքի առթիվ ոչ մի ձերբակալություն չի եղել։

Միջադեպից հետո, որը կարող է ահաբեկչական գործողություն որակվել, Նիդեռլանդներում մի շարք դպրոցներ և մզկիթներ են փակվել, ուժեղացվել է անվտանգությունն օդանավակայաններում, իսկ կուսակցությունները դադարեցրել են առաջիկա ընտրությունների առնչությամբ իրենց քարոզարշավը։  

Ավելի վաղ Նիդեռլանդների վարչապետ Մարկ Ռուտեն կատարվածի առթիվ կառավարության արտահերթ նիստ էր հրավիրել։