Artsakhpress

Հասարակական

Ստեփանակերտում ընթանում են սոցիալական ձեռնարկատիրության ուսուցման դասընթացներ

ԱՀ մշակույթի, երիտասարդության հարցերի և զբոսաշրջության նախարարության նախաձեռնությամբ մարտի 16-ից ԱՀ կառավարության շենքում մեկնարկել է «Համայնքային զարգացում սոցիալական ձեռնարկատիրության միջոցով» դասընթացի երկրորդ փուլը. այն կտևի մինչև մարտի 21-ը:

Ստեփանակերտում ընթանում են սոցիալական ձեռնարկատիրության ուսուցման դասընթացներ

Ստեփանակերտում    ընթանում   են  սոցիալական ձեռնարկատիրության  ուսուցման  դասընթացներ
ՍՏԵՓԱՆԱԿԵՐՏ, 19 մարտի, ԱՐՑԱԽՊՐԵՍ: Դասընթացները   վարում  են   ՀՀ  սոցիալական  ձեռնարկատիրության     ոլորտի  մասնագետները:
«Արցախպրես»-ի  թղթակցի  հետ  զրույցում  ԱՀ  մշակույթի,  երիտասարդության  հարցերի  և զբասաշրջության  նախարարության  երիտասարդության  հարցերի   բաժնի  առաջատար մասնագետ  Անի  Կապլանյանն   ասել է, որ   սոցիալական   ձեռնարկատիրությունն   ամբողջ  աշխարհում   բավականին  լուրջ  տեմպերով  առաջընթաց է  ապրում:
Նրա  խոսքով՝   երիտասարդները  պետք  է  կարողանան  իրենց  ուժերի  վրա հենվելով  և մի  շարք դժվարություններ  հաղթահարելով  լուծել  համայնքի  սոցիալական  խնդիրներ: 
«Ծրագրին Արցախի տարբեր  շրջաններից  մասնակցում է  շուրջ  30  երիտասարդ: Մենք հանդիպումներ ենք ունեցել   տարբեր  համայնքների   երիտասարդների  հետ  և   նրանց իրազեկել   այս  ծրագրի  մասին:  ՀՀ սպորտի  և  երիտասարդության    հարցերի  աջակցությամբ  մի  խումբ  երիտասարդներ  էքսկուրսիա   են կատարել  Հայաստանի     5 տարածաշրջան, որտեղ  անձամբ   են ծանոթացել սոցիալական  ձեռնարկատիրության  ոլորտի  ներկայացուցիչների  հետ   և  տեսել  նրանց  աշխատանքների  արդյունքները: Այս ծրագիրը  կրթական և  ուսուցողական  պրոցես է, որի  ընթացքում  ուսուցանվում  է   թե  ինչ  է  սոցիալական   ձեռնարկատիրությունը, ինչպես բացահայտել  ու  լուծել  համայնքի  կարիքները, և  ինչպես  կարելի  է զարգացնել  համայնքը: Մենք  աշխատում ենք  նաև     օն-լայն  տարբերակով, որի  ժամանակ  տնային   հանձնարարություններ   ենք   իրականացնում»,- մասնավորապես  ասել է   ոլորտի  պատասխանատուն՝  տեղեկացնելով, որ  վերջերս  ինքը մասնակցել  է Աղվերանում  կայացած  «Ուսուցանողների  ուսուցանում»  ծրագրին:
Ա.  Կապլանյանը  նշել է  նաև, որ   ԱՀ  համայնքների  երիտասարդների  հետ  առաջիկայում  ինքը  պետք  է  երկու  դասընթաց  կազմակերպի  և  ներկայացնի   «Համայնքային զարգացում սոցիալական ձեռնարկատիրության միջոցով»  ծրագիրը,  դրա   նպատակներն  ու  խնդիրները: 

     

Քաղաքական

Տնտեսական

Հասարակական

Ռազմական

Search