Artsakhpress

Հասարակական

Մշակույթը մարդուն տալիս է ազգային պատկանելիության գիտակցություն. պրոֆեսոր

Ոչ ֆորմալ կրթության ծրագրի շրջանակներում այսօր Արցախի պետական համալսարանում կենսաբանական գիտությունների դոկտոր, պրոֆեսոր, Գիտությունների ազգային ակադեմիայի Մոլեկուլային կենսաբանության ինստիտուտի էթնոգենոմիկայի լաբորատորիայի վարիչ Լևոն Եպիսկոպոսյանը և Երևանի թատրոնի և կինոյի պետական ինստիտուտի պրոֆեսոր Դավիթ Մուրադյանը հանդես են եկել դասախոսություններով:

Մշակույթը մարդուն տալիս է ազգային պատկանելիության գիտակցություն. պրոֆեսոր

Մշակույթը  մարդուն  տալիս  է ազգային  պատկանելիության   գիտակցություն. պրոֆեսոր
ՍՏԵՓԱՆԱԿԵՐՏ, 20 մարտի, ԱՐՑԱԽՊՐԵՍ: «Արցախպրես»-ի թղթակցի  հաղորդմամբ՝ միջոցառմանը    բացման  խոսքով  հանդես  է  եկել   ԱրՊՀ   ռեկտոր   Արմեն  Սարգսյանը:  Նա  կարևորել  է նման  հանդիպումները   ուսանողների  և դասախոսների  հետ  և  նշել, որ   այն  կրելու  է  շարունակական  բնույթ:
Դավիթ  Մուրադյանը  ներկայացնելով   «Մշակույթը, որպես  կեցության  տուն»   թեման, ասել է, որ  մշակույթի  դերն  ավելի  ընդհանրական  է, քանի  որ    մշակույթը  մարդուն  տալիս  է ազգային  պատկանելիության   գիտակցություն:  
«Արցախն  այն  վայրն է, որն  ունի   հսկայական   պատմամշակութային  անցյալ և  կենսագրություն. այս միջավայրն  ունի  իր  խորհուրդը:  Մշակույթը     աննյութեղեն  է,  և  ես  միշտ  ասել  եմ, որ  Արցախյան  գոյամարտի  ժամանակ  հաղթողը  ոչ   միայն  զինվորն  ու   աշխատավորն են  եղել, այլև   Մատենադարանի  շենքը, Գանձասարի  վանքը, «Ռանչպարների   կանչ»-ը  և այլն: Պայքարի  է  գնացել   այն  սերունդը, որը  դաստիարակված  էր  այդ  արժեքներով: Մշակույթը   խոսում  է մարդու   ճակատագրական  պահերի,  ազգային  ինքնագիտակցության   և բարոյական  դիմադրողականության  մասին: Նոր  սերունդն  աշխարհի  բնակիչն է. կա  համացանց, որտեղ  նա  տարբեր  հոսքերի    խաչմերուկներում  է գտնվում,  և  այդ  իսկ  պատճառով  կրկնակի    կարևոր  է   դառնում  նրան     կապել  օտար մատրիցաների  հետ»,-մասնավորապես  ասել    Դ. Մուրադյանը:
Խոսելով  Արցախի   թատերարվեստի  մասին՝  բանախոսն  ասել է, որ  այն  բավականին   հին  պատմություն  ունի, որոնք  ուսումնասիրված    և փաստագրված են: 
Ըստ Դ. Մուրադյանի՝ Արցախի և Հայաստանի թատրոնների համագործակցությունը  բավականին  սերտ  է:
«Ստեփանակերտի թատրոնը  ղեկավարում են մեր  ինստիտուտի   շրջանավարտները:  Մենք  պետք  է   նոր  սերունդ  ունենանք  թատերարվեստում, և  այստեղ      ապրող   երիտասարդը,  տեսնելով  ու  զգալով իր  մշակույթը,  պետք  է    ցանկություն  ունենա  ապրել  իր   հայրենիքում: Արցախի  թատերարվեստը   մեծ  նշանակություն  ունի  մշակույթի   պահպանման  գործում: Ազգի  ձևավորման հիմքում  թատրոնի    ստեղծումն է»,-ավելացրել  է  պրոֆեսորը:   
Հանդիպմանը  Լ.  Եպիսկոպոսյանը,   հանդես  գալով  «Նեանդերթալ  մարդու    դերը   էվոլյուցիայի  ընթացքում» թեմայով, ասել է, որ   յուրաքանչյուր  ոք   պետք  է  իմանա  իր  էվոլյուցիան, որպեսզի  գիտակցի թե  ինչ  ուղղությամբ  է  մարդը  զարգանում:
Խոսելով  Արցախում  իրականացվող  պեղումների  մասին՝ Լ. Եպիսկոպոսյանն  ասել է.  «Ներկայումս   պեղումներ  ենք  իրականացնում Հադրութի   շրջանի    Ազոխի Քարանձավում  և   Շուշիի   շրջանի   Քարին  տակ  գյուղի   մոտակայքում: Քանի  տարի  է  ձգտում  եմ, որ  Արցախի  ուսանողությունը  ներգրավվի պեղումների  աշխատանքներին,  ինչը   մինչ   այժմ  դեռ չի  ստացվել: Եթե  ուսանողները   մասնակցեն  մեր  պեղումներին,  նրանք  հնարավորություն  կունենան     շփվելու   արտերկրի  հնագետների  հետ: Նրանց  մոտ ցանկություն  կառաջանա  խորն  ուսումնասիրություն   իրակնացնել պեղումների  վերաբերյալ»:  
  
Դասախոսության  վերջում    ուսանողները  և  դասախոսները  հանդես  են  եկել հարցերով:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Սամվել Բաբայանի նախաձեռնած ստորագրահավաքն իրավական տեսանկյունից խնդրահարույց դրույթ է ներկայացնում. ՀՀ բարձրաստիճան պաշտոնյան ներկայացնում է ռիսկերը

Արցախը խոպանի վայր չէ. ԱԺ պատգամավորը սահմանադրական փոփոխություններ առաջարկելու մտադրություն ունի

Սուրբ Նիկողայոս վանքը փոխանցվել է հայ համայնքին

Ադրբեջանցիներին չի հաջողվել տապալել հայ երեխաների ելույթը. միջադեպ` Մոնտենեգրոյում

Ծավալված գործընթացն իր մեջ պարունակում է լուրջ վտանգներ. Դավիթ Իշխանյանը՝ ստորագրահավաքի մասին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Մահացել է ՀՀ վաստակավոր արտիստ Ռուդոլֆ Ղևոնդյանը

Աշխատանքային, զինվորական, սոցիալական կենսաթոշակները կվերահաշվարկվեն. Սամվել Ավանեսյան

Ստեփանակերտում մեկնարկել է «Լույսի մոլորակ» ծնողի և մանկան կրթական փառատոնը (լուսանկարներ)

Search