Artsakhpress

Քաղաքական

Ադրբեջանը փորձում է Հայաստանի իշխանության հետ հանդիպումից առաջ քաղաքական դիվիդենտներ կորզել. Դավիթ Իշխանյան

Անսպասելի չէ, որ Ադրբեջանը ԵԱՀԿ Մինսկի խմբի հայտարարությունը մեկնաբանում է յուրովի՝ իր օգտին:

Ադրբեջանը փորձում է Հայաստանի իշխանության հետ հանդիպումից առաջ քաղաքական դիվիդենտներ կորզել. Դավիթ Իշխանյան

Ադրբեջանը փորձում է Հայաստանի իշխանության հետ հանդիպումից առաջ քաղաքական դիվիդենտներ կորզել. Դավիթ Իշխանյան
ՍՏԵՓԱՆԱԿԵՐՏ, 20 մարտի, ԱՐՑԱԽՊՐԵՍԱյս մասին Tert.am-ի հետ զրույցում ասել է ՀՅԴ Արցախի Կենտրոնական կոմիտեի ներկայացուցիչ, ԼՂ ԱԺ պատգամավոր Դավիթ Իշխանյանը՝ խոսելով Ադրբեջանի նախագահ Իլհամ Ալիևի վերջին հայտարարության մասին, թե ՄԽ համանախագահները նույնպես դեմ են արցախյան հակամարտության բանակցային ձևաչափի փոփոխությանը:
«Ալիևը պետք է նման հայտարարություններ անի ոչ միայն ներքին սպառման համար, այլև ազդակներ փոխանցելու Հայաստանին ու համանախագահներին: Փաշինյան-Ալիև հանդիպումից առաջ Հայաստանի կողմից հնչած տեսակետները, Արցախի դիրքորոշումը՝ բանակցային ձևաչափը վերականգնելու առումով, Ադրբեջանին մղելու են համապատասխան քայլերի»,- ասել Դավիթ Իշխանյանը:
Ըստ պատգամավորի՝ Ադրբեջանը փորձում է Հայաստանի իշխանության հետ հանդիպումից առաջ քաղաքական դիվիդենտներ կորզել, որոշակի «կապիտալ» ստեղծել: «Նրանք մտածում են, որ այդպիսով առավելություններ կունենան բանակցային գործընթացի վերսկսման փուլում»,- նշել է Դ. Իշխանյանը:
Խոսելով այն կարծիքների մասին, որ Նիկոլ Փաշինյանի հայտարարությունից հետո Արցախը պետք է մասնակցի բանակցություններին, գործընթացը փակուղում է, որովհետև Ադրբեջանը դրական ազդակներ չի փոխանցում, Դավիթ Իշխանյանը հորդորել է չշտապել:
Նա ասել է, որ Փաշինյան-Ալիև առաջիկա հանդիպման արդյունքներից կարելի է եզրակացություն անել՝ փակուղում ենք, թե ոչ: «Չեմ կարծում, որ ճիշտ կլինի դեպքերից առաջ ընկնել, տեսակետներ հայտնել: Հանդիպումից հետո որոշակի հստակեցումներ կլինեն»,- հավելել է պատգամավորը:
Դավիթ Իշխանյանն ասել է, 1994թ.-ին ստորագրված զինադադարի պայմանագրով Արցախը ձեռք է բերել բանակցելու մանդատ, որը զիջելու առիթ չի տվել:
Խոսելով վարչապետ Նիկոլ Փաշինյանի հայտարարության մասին, որ ինքը փորձում է պարզաբանել, թե ով ինչպես է մեկնաբանում հակամարտության կարգավորման 3 սկզբունքները, պատգամավորն ասել է, որ իր համար ուղղորդող են ՀՅԴ տեսակետները՝ «զարգանալ չզիջելով»:
Հարցին՝ հնարավո՞ր է հակամարտությունը լուծել տարածքային ամբողջականության պահպանման ու ժողովուրդների ինքնորոշման սկզբունքները միաժամանակ հաշվի առնելով, Դավիթ Իշխանյանը պատասխանել է. «Ադրբեջանի Հանրապետությունը որպես Ադրբեջանի առաջին Հանրապետության իրավահաջորդ, տարածքային իր ամբողջականության մեջ չուներ ու իրավական առումով չի էլ ունեցել Արցախն իր կազմում: Արցախի ժողովուրդը, օգտվելով իր սահմանադրական իրավունքից, ԽՍՀՄ փլուզման արդյունքում ձևավորել է իր պետականությունը պատմական տարածքի վրա՝ որոշ տարածքներ դուրս թողնելով: Հստակեցման խնդիրներ կան: Արցախի տարածքային ամբողջականությունը, որը խախտված է Ադրբեջանի ագրեսիայի պատճառով, վերականգնման անհրաժեշտություն ունի»:
 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Մասիս Մայիլյանը ընդունեց իր պարտությունը

Ժամը 20:00-ից դադարեցվելու է մայրաքաղաքում հասարակական տրանսպորտի աշխատանքը

Քաշաթաղի շրջանի Միրիկ գյուղի բնակչի մոտ նոր կորոնավիրուսի վարակ է հայտնաբերվել. քաղաքացին անմիջապես մեկուսացվել է

Ապրիլի 14-ին տեղի կունենա ընտրությունների երկրորդ փուլը. հայտնի են թեկնածուների համարները քվեաթերթիկում

Ստեփանակերտում արձանագրվել է 9 ապրանքատեսակների միջին գների փոփոխություն. Տեղեկատվական շտաբ

Զինծառայող է մահացել

Արցախում կորոնավիրուսի վարակի առկայության վերաբերյալ լուրերը կեղծ են

Կոչ եմ անում իմ աջակիցներին ինքնուրույն որոշում կայացնել ապրիլի 14-ին. Սամվել Բաբայանը նախագահական ընտրությունների երկրորդ փուլում ոչ մեկին չի սատարի

Արցախում ՀՀ-ից ժամանած երկու քաղաքացիներ են մեկուսացվել. Նրանց թեստերի պատասխանները կստացվեն վաղը

Search