Ռուսաստանի Դաշնությունում նահանգապետերի հրաժարականների շարք է սկսվել:
ՌԴ-ում նահանգապետերի հրաժարականների շարք է սկսվել
ՍՏԵՓԱՆԱԿԵՐՏ, 21 մարտի, ԱՐՑԱԽՊՐԵՍ: Այս մասին գրում է ria.ru-ն՝ մանրամասնելով, որ ամենաթարմ հրաժարականն Օրենբուրգի մարզում է, փոխանցում է tert.am-ը:
Նահանգապետ Յուրի Բերգը հրաժարականի դիմում է ներկայացրել ՌԴ նախագահին: Պաշտոնյայի որոշման դրդապատճառների մասին տեղեկություն չկա:
Աղբյուրը հիշեցնում է, որ ավելի վաղ նախագահ Վլադիմիր Պուտինին հրաժարականի դիմում էր ներկայացրել Մուրմանսկի նահանգապետ Մարինա Կովտունը: Վերջինս իր որոշումը «բարդ» է անվանել՝ հավելելով, որ չի պատրաստվում մասնակցել նահանգապետի ընտրություններին և գտնում է, որ «իշխանության վերին էշելոններում թարմացումն անհրաժեշտություն է»:
Օրերս իրենց պաշտոնները լքել են Կալմիկիայի նահանգապետ Ալեքսեյ Օռլովը, Ալթայի Հանրապետության ղեկավար Ալեքսանդր Բերդնիկովը, ինչպես նաև Չելյաբինսկի նահանգապետ Բորիս Դուբրովսկին: