Ստեփանակերտի «Գրիգոր Նարեկացի» պետհավատարմագրված համալսարանի Արեւմտահայերէնի, հայագիտութեան գիտահետազօտական Լուտովիկա և Յակոբ Այնթապլեան կեդրոնի կողմից ընթացիկ տարվա մայիսի 27-ին «Մատենադարան-Գանձասար» գիտամշակութային կենտրոնում կանցկացվի միջազգային գիտաժողով՝ «Հայոց լեզուն անաղարտ պահենք» թեմայով։
«Գրիգոր Նարեկացի» համալսարանի նախաձեռնությամբ կկազմակերպվի «Հայոց լեզուն անաղարտ պահենք» թեմայով գիտաժողով
ՍՏԵՓԱՆԱԿԵՐՏ, 22 մարտի, ԱՐՑԱԽՊՐԵՍ: Այս մասին տեղեկացնում է «Գրիգոր Նարեկացի» համալսարանը՝ մանրամասնելով, որ, նրանք, ովքեր ցանկություն և հնարավորություն կունենան մասնակցելու գիտաժողովին, կարող են հայտ ներկայացնել համալսարանի էլեկտրոնային հասցեով՝ ուղարկելով իրենց զեկուցումները (վերջնաժամկետը ընթացիկ տարվա մայիսի 10-ն է)։
Աղբյուրի հաղորդմամբ՝ գիտաժողովի նպատակն է նպաստել մայրենի լեզվի անաղարտության պահպանմանը, նրա զարգացմանը, պայքարել օտարամոլությունների դեմ, երիտասարդությանը կրթել ու դաստիարակել հայեցի, ազգային ոգով։
Զեկուցումների համար սահմանվել են հետևյալ պայմանները.
Ա. Ծավալը՝ 8-10 համակարգչային էջ, A4, լուսանցքները՝ 2 սմ, տողերի միջև հեռավորությունը՝ 1,5 սմ, տառաչափը՝ 12, Sylfaen։
Բ. Հոդվածների հետ պարտադիր են բանալի բառերը (10-ից ոչ պակաս) և ամփոփումները՝ հայերեն, ռուսերեն, անգլերեն լեզուներով։
Գ. Ուղարկվող նյութի վերևում նշել հեղինակի անուն-ազգանունը, զբաղեցրած պաշտոնը, գիտական աստիճանն ու կոչումը։
Դ. Հղումները տեղադրել համապատասխան էջի վերջում։
Նշենք, որ միջազգային գիտաժողովի նյութերը կհրատարակվեն առանձին գրքով, մեկական օրինակ կստանան հոդվածների հեղինակները։
Հավելենք, որ լրացուցիչ տեղեկությունների համար ցանկացողները կարող են զանգահարել 097 21-05-16, 097 30-89-86, 047 94-18-59 հեռախոսահամարներին, էլ հասցե՝ qaring3@mail.ru:
