Ռուսաստանի «Մանկական ձայնը» («Голос.Дети») նախագծի «կույր լսումներ»-ի փուլն անցած «Արցախի ձայներ» երաժշտական նախագծի անդամ 10-ամյա Միխայիլ Գրիգորյանն (Միշկա) այժմ պատրաստվում է եզրափակիչ փուլին:
Միշան մեծ հնարավորություն ունի նախագծում լուրջ հաջողության հասնելու. Լիրա Քոչարյան
ՍՏԵՓԱՆԱԿԵՐՏ, 25 մարտի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է «Արցախի ձայներ»-ի գեղարվեստական ղեկավար Լիրա Քոչարյանը՝ նշելով, որ Միշան մեծ հնարավորություն ունի նախագծում լուրջ հաջողության հասնելու, պարզապես անհրաժեշտ է լուրջ նախապատրաստվել:
«Միշայի հաջողության հասնելու գործում մեծ է լինելու նաև հանրության ակտիվությունը, ովքեր պետք է քվեարկեն նրա օգտին և հետևեն սոցցանցերին: Միշան իր տարիքի համեմատ ունի շատ մեծ երազանքներ: Եզրափակիչ փուլում ներկայացվող երգերի ընտրության հարցում նրան օգնում և աջակցում են «Արցախի ձայներ» երաժշտական նախագծի անդամները: Ի դեպ, Միշան, որպես ժյուրիի անդամ, հրավիրված է «Արմենիա» հեռուսատընկերությամբ նոր թողարկվող «I like it» նախագծին: Այդ ամենը Միշան կարողանում է համատեղել դասերի և ֆուտբոլի հետ»,-ավելացրել է Լ. Քոչարյանը:
