ՍՏԵՓԱՆԱԿԵՐՏ, 25 մարտի, ԱՐՑԱԽՊՐԵՍ: «Արցախպրես»-ի  թղթակցի  հաղորդմամբ՝   Արցախի Հանրապետության Նախագահ Բակո Սահակյանի նախագահությամբ մարտի 25-ին տեղի է ունեցած  ԱՀ  կառավարության նիստին   ԱՀ  առողջապահության  նախարար  Արայիկ  Բաղրյանն  անդրադարձել  է  վերոնշյալ  թեմային՝  նշելով, որ  Էլեկտրոնային  շառողջապահության  համակարգն  ունի  մի  շարք   ֆունկցիաներ, որից  առայժմ Արցախում    գործոււմ   է  միայն   քաղաքացիների  հերթագրման  կարգը:Խոսելով  էլեկտրոնային  առողջապահության համակարգի  մասին՝  Ա.  Բաղրյանն   ասել է, որ  այն  շառողջապահական  տվյալների  կառավարման    միասնական  համակարգ  է, որտեղ   մուտքագրվում  և  շպահվում է  բնակչի    առողջությանը   վերաբերող    ամբողջական  տվյալները: Էլեկտրոնային  առողջապահական համակարգը    բարձրացնում  է    հաճախորդի  սեփական  առողջության  վիճակի  իրազեկվածության  և   դրա  բարելավման  մասնակցության մակարդակը: Էլեկտրոային  առողջապահության  համակարգի  առավելությունները  կլինիկակական  ռիսկերի  նվազեցումն է,  ժամանակի  և  ծախսերի  տնտեսումը, հասանելիությունը:

Նախարարի  խոսքով՝  2018  թվականի  վիճակագրական   տվյալների   համաձայն,   օրական   Ստեփանակերտի  պոլիկլինիկա  էր  հաճախում  453  քաղաքացի.  այդ ցուցանիշը   պահպանվել է  նաև  ընթացիկ  տարում:

 

«Էլեկտրոնային  առողջապահության  համակարգի   գործարկումից  հետո    պոլիկլինիկայում օրական  շուրջ 100  քաղաքացի  է  հերթագրվում: Կարող  ենք  ասել, որ  ներկայումս  ունենք  25-30%  հերթագրվողների  աճ: Պպոլիկլինիկայում դեռևս  կան կուտակումներ, նաև   քաղաքացիների դժգոհություններ. դրանք  կապված  են  նոր   համակարգին այնքան  էլ   ծանոթ  չլինելու   հետ: Մենք  իրականացնում  ենք  ամենօրյա   մոնիթորինգ: Հույս  ունենք, որ մոտակա  1-2  ամիսների  ընթացքում  հարցը  կկարգավորվի:  Մինչ  էլեկտրոնային  առողջապահության  ներդնումը   քաղաքացիները առավոտից  գալիս  էին  պոլիկլինիկա  և  այնտեղ   ժամերով սպասում, իսկ   հիմա  վերցնում  են  իրենց  կտրոնը, որտեղ  նշված  է  իրենց  այցելության  օրն  ու  ժամը: Ապրիլի 1-ից  մենք  քաղաքացիներին հնարավորություն կտանք, որ  հերթագրումներն  իրականացնեն  նաև հեռախոսազանգերով, իսկ  հետագայում էլ՝ էլեկտրոնային եղանակով»,-ավելացրել  է   նախարարը  և   տեղեկացրել, որ   պոլիկլինիկան  աշխատում  է   երկու  հերթափոխով՝  ժամը  09:00-16:30-ն: