Հանրապետությունում գարնանացան մշակաբույսերի հերկի տակ նախապատրաստվել է ավելի քան 16 հազար 700 հեկտար տարածք՝ նախորդ տարվա նույն ժամանակահատվածի 9521 հա-ի դիմաց:
Նախորդ տարվա համեմատ` կրկնապատվել են գարնանացան մշակաբույսերի համար նախապատրաստված տարածքների ծավալները
ՍՏԵՓԱՆԱԿԵՐՏ, ապրիլի 2, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ գյուղատնտեսության փոխնախարար Վիլեն Ավետիսյանը և ավելացրել, որ կատարվել է նաև 4498 հա ցանքս՝ նախորդ տարվա 3362 հա-ի համեմատ:
Նրա խոսքով՝ ցանվել է 2005.1 հա գարնանացան հասկավոր հացահատիկ, 2 հա՝ սորգո, 4 հա՝ եգիպտացորեն, 293.1 հա՝ հնդկացորեն, 41 հա՝ արևածաղիկ, 165 հա՝ հլածուկ, 5 հա՝ սոյա, 1498 հա՝ կտավատ, 64.5 հա՝ սիսեռ, 62 հա՝ ոլոռ, 10 հա՝ ոսպ, 3.2 հա՝ լոբի, 172 հա՝ կարտոֆիլ, 82.6 հա՝ բանջարեղեն, որից 54 հա-ը՝ սոխ: Բազմամյա խոտաբույսերից ցանվել է 56 հա առվույտ, որից 53 հա-ը՝ մաքուր ցանքսով, իսկ 3-ը՝ ենթացաքսով, 67.5 հա՝ կորնգան, որից 37.5 հա-ը՝ մաքուր ցանքսով, իսկ 30 հա-ը՝ ենթացաքսով:
«Այս ընթացքում տարվել է նաև մոլախոտերի դեմ պայքար՝ 4000 հա հողատարածքներում, վնասատուների դեմ՝ 56 հազար 311 հա-ում: Սնուցման աշխատանքներ են իրականացվել 11 հազար 310 հա հողատարածքներում: Ինչ վերաբերում է եղանակային պայմաններին, ապա նշեմ, որ բարենպաստ են, և եթե տեղումներ չլինեն, վաղվանից աշխատանքները կշարունակվեն դաշտերում»,- ասել է Վ. Ավետիսյանը:
