Artsakhpress

Քաղաքական

Մեզ պարտադրված պատերազմի դեպքում մենք պարտադրելու ենք խաղաղություն.Նիկոլ Փաշինյան

Հայաստանը չի պատրաստվում ռազմական գործողություն սկսել, բայց եթե որևէ մեկը նման քայլի գնա, ապա Հայաստանը նրան պարտադրելու է խաղաղություն:

Մեզ պարտադրված պատերազմի դեպքում մենք պարտադրելու ենք խաղաղություն.Նիկոլ Փաշինյան

Մեզ պարտադրված պատերազմի դեպքում մենք պարտադրելու ենք խաղաղություն.Նիկոլ Փաշինյան

ՍՏԵՓԱՆԱԿԵՐՏ, 9 ապրիլի, ԱՐՑԱԽՊՐԵՍ-ԱՐՄԵՆՊՐԵՍԱզգային ժողովում լրագրողների հետ զրույցում այս մասին նշեց ՀՀ վարչապետ Նիկոլ Փաշինյանը: Անդրադառնալով Ադրբեջանի նախագահ Իլհամ Ալիևի հետ վերջին հանդիպմանը՝ Նիկոլ Փաշինյանը նշեց, որ այն անցել է կառուցողական մթնոլորտում:

«Համանախագահների, ինչպես նաև Հայաստանի ու Ադրբեջանի արտաքին գործերի նախարարների համատեղ հայտարարության մեջ ասվել է, որ հանդիպումն անցել է կառուցողական մթնոլորտում: Պայմանավորվածություն է ձեռք բերվել պահպանել և ուժեղացնել հրադադարի ռեժիմը: Կա արդյոք հնարավորություն, որ մենք դրժենք այդ պայմանավորվածությունը. ոչ, այդպիսի հնարավորություն չկա: Բայց եթե հանկարծ որևէ մեկը դրժի այդ պայմանավորվածությունը, ապա դա չի նշանակում, թե մենք չենք պաշտպանվելու»,- ասաց Նիկոլ Փաշինյանը:
Լրագրողների խնդրանքով Նիկոլ Փաշինյանն անդրադարձավ ՀՀ պաշտպանության նախարար Դավիթ Տոնոյանի հայտարարությանը, որ «տարածքներ՝ խաղաղության դիմաց» սկզբունքը չի լինելու: Նախարար Տոնոյանը այն վերաձևակերպել էր այսպես՝ «նոր պատերազմ՝ նոր տարածքների դիմաց»:
«Մենք ասում ենք, մեզ մի վախեցրեք պատերազմով, որովհետև մենք պատերազմից վախեցող չենք: ՊՆ հայտարարության մեջ ոչ մի անտրամաբանական, առավել ևս ոչ մի ապակառուցողական բան չկա: Եթե որևէ մեկը մեր դեմ պատերազմ սկսեց, մտածում է, որ Հայաստանը հանձնվելո՞ւ է: Իհարկե՝ ոչ: Մենք ասում ենք՝ մենք թիվ մեկ ջատագովն ենք, որ ղարաբաղյան հարցը լուծվի խաղաղ ճանապարհով, և մենք ասել ենք, որ ամեն ինչ անելու ենք, որ առաջ քաշենք խաղաղության օրակարգը: Եվ եթե մենք անընդհատ խոսում ենք խաղաղության օրակարգից, ապա թող տպավորություն չլինի, որ պատերազմի սպառնալիքից մենք վախենալու ենք: Որքան պատերազմի սպառնալիքից մենք վախենալու բան ունենք, այնքան էլ Ադրբեջանն ունի վախենալու բան, և ընդհանրապես տարածաշրջանն ունի վախենալու բան: Մեզ պարտադրված պատերազմի դեպքում մենք պարտադրելու ենք խաղաղություն: Մենք չենք պատրաստվում ռազմական գործողություն սկսել, բայց եթե որևէ մեկը մեր դեմ ռազմական գործողություն սկսի, ապա մենք պարտադրելու ենք խաղաղություն»,-ասաց Նիկոլ Փաշինյանը:

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Կենսաթոշակների բարձրացում անպայման լինելու է. ոլորտի պատասխանատու

Արցախում ստեղծվել է նոր կուսակցություն. կայացել է հիմնադիր համագումարը

Երիտասարդների և սիրո բարեխոս Սուրբ Սարգսի տոնն այս տարի կնշվի փետրվարի 8-ին

«Շատ վիրավորված եմ քեզանից»․ Արայիկ Հարությունյանը՝ Հրանտ Բագրատյանին

Ադրբեջանցի օպերային երգիչը հրաժարվել է հայուհու հետ ելույթ ունենալ էթնիկ պատկանելության պատճառով

Կարմիր շուկայում բազմաբնակարան շենքերի կառուցման աշխատանքներն ընթացքի մեջ են

Խաչմաչի և Կարմիր գյուղի նորածինների 7 ընտանիքներ 1000-ական ԱՄՆ դոլլար դրամական աջակցություն են ստացել բարերարից

Հայ-ադրբեջանական սահմանին պայմանագրային զինծառայող է վիրավորվել

Հանրապետությունում շմոլ գազի հետևանքով քաղաքացիներ են թունավորվել. նրանց վիճակը բավարար է

Search