ԱՀ գյուղատնտեսության նախարարության օպերատիվ տվյալների համաձայն՝ ապրիլի 9-ի դրությամբ հանրապետությունում գարնանացան մշակաբույսերի համար նախապատրաստվել է 17 հազար 141 հեկտար հող, որը նախորդ տարվա նույն ժամանակահատվածի համեմատ ավելի քան մեկուկես անգամ ավել է:
Գարնանացան մշակաբույսերի այս տարվա ցանքատարածքներն ավելի քան մեկուկես անգամ ավել են. փոխնախարար
ՍՏԵՓԱՆԱԿԵՐՏ, 9 ապրիլի, ԱՐՑԱԽՊՐԵՍ: Այս մասին «Արցախպրես»-ի թղթակցի հետ զրույցում ասել է ԱՀ գյուղատնտեսության փոխնախարար Վիլեն Ավետիսյանը՝ նշելով, որ 5838 հա-ի վրա արդեն կատարվել է ցանքս:
Խոսելով կատարված աշխատանքների մասին՝ փոխնախարարը մանրամասնել է, որ 2101,6 հա-ի վրա իրականացվել է հասկավոր հացահատիկային մշակաբույսերի ցանքս, 451,1 հա հնդկացորեն, 2 հա սորգո, 103,1 հա սիսեռ, 62 հա ոլոռ, 125 հա եգիպտացորեն, 198 հա արևածաղիկ, 165 հա հլածուկ, 5 հա սոյա, 2179,2 հա կտավատ, 10 հա ոսպ, 3,2 հա լոբի, 189, 3 հա կարտոֆիլ, 107,2 հա բանջարեղեն, այդ թվում՝ 71,1 հա սոխ, 84,5 հա առվույտ, որից 76, 5 հա մաքուր ցանքս, 109 հա կորնգան, որից էլ մաքուր ցանքս՝ 60 հա:
Ըստ մեր զրուցակցի՝ կատարվել են նաև գարնան դաշտային այլ աշխատանքներ, այդ թվում՝ 5883 հա-ի վրա կատարվել է պայքար մոլախոտերի դեմ, 56 հազար 553 հա-ի վրա՝ հիվանդությունների ու վնասատուների դեմ պայքարի միջոցառումներ և 13,816 հա-ի վրա՝ սնուցման:
