Artsakhpress

Վերլուծական

Սաուդյան Արաբիայի դեսպանի այցն Անթիլիաս և Ցեղասպանության զոհերի հիշատակը հարգելը նախանշային է. Շահան Գանտահարյան

Այսօր Լիբանանում Սաուդյան Արաբիայի դեսպանն այցելել է Անթիլիասի կաթողիկոսարան և հարգանքի տուրք մատուցել 1.5 միլիոն Սուրբ Նահատակների հիշատակին:

Սաուդյան Արաբիայի դեսպանի այցն Անթիլիաս և Ցեղասպանության զոհերի հիշատակը հարգելը նախանշային է. Շահան Գանտահարյան

Սաուդյան Արաբիայի դեսպանի այցն Անթիլիաս և Ցեղասպանության զոհերի հիշատակը հարգելը նախանշային է. Շահան Գանտահարյան
ՍՏԵՓԱՆԱԿԵՐՏ9 ապրիլիԱՐՑԱԽՊՐԵՍ: Հաշվի առնելով, որ Սաուդյան Արաբիան պաշտոնապես չի ճանաչել Հայոց ցեղասպանությունը, այսօրվա այցի ուղերձների շուրջ yerkir.am-ը զրուցել է «Ազդակ»-ի գլխավոր խմբագիր Շահան Գանտահարյանի հետ:
Ըստ Շահան Գանտահարյանի` Սաուդյան Արաբիայի դեսպանի այցն Անթիլիաս ուշագրավ իրադարձություն է, նախ` որովհետև  վաղուց հայ համայնքի հետ պաշտոնական կապ չի եղել, մանավանդ` նման պաշտոնական այցերի ձևաչափով։ «Պետք է հավելել, որ պաշտոնական Ռիադի կողմից քրիստոնյա-իսլամ երկխոսության շրջանակներում Կիլիկիո կաթողիկոսության հետ աշխատանքային այցեր եղել են, և Ռիադը կարևորել է Անթիլիասը` որպես համաքրիստոնեական աշխարհի կարևորագույն կենտրոններից  մեկը։ Առանձնահատուկ ուշադրություն պետք է դարձնել Ցեղասպանության զոհերի հիշատակին տուրք մատուցելու քայլին մի երկրի կողմից, որը պաշտոնապես չի ճանաչել Հայոց ցեղասպանությունը, և այստեղ քաղաքական դիտարկումների շարժառիթներ են ի հայտ գալիս: Նախ` պետք է  անպայման հիշել Լիբանանի խորհրդարանի հայկական պատգամավորական բլոկի պատվիրակության հետ կայացած փոխադարձ այցերը,  ինչը խոսում է նման քայլի ենթահողի նախապատրաստման մասին։ Այլ հանգամանք, որն անպայման պետք է նկատի ունենալ Սաուդյան Արաբիայի կողմից նախանշային ուղերձներ փոխանցող այս քայլի ետևում` Անկարա-Ռիադ հարաբերություններում լուրջ ճեղքվածքը լրագրող Խաշուկջիի սպանության պատճառով»,- նշեց Գանտահարյանը:
Ըստ նրա` Ռիադն ու Անկարան չեն թաքցնում իրենց հակասությունները Սիրիայում ընթացող պատերազմի, ազդեցության գոտիների, գործող զինյալ խմբավորումների նկատմամբ յուրաքանչյուրի հենարանային ազդակների բախման տեսանկյունից, հատկապես` Սիրիայի հարցով Անկարա-Թեհրան ռազմաքաղաքական խնդիրների համակարգումը` Թեհրան-Ռիադ լարված հարաբերությունների դիմաց, նաև` սուննի զանգվածին տիրություն անելու` թուրքական և սաուդյան մեծ մրցակցությունը։ Այս բոլոր հանգամանքները նկատի ունենալով` պարզ են դառնում Սաուդյան Արաբիայում լույս տեսնող մամուլում հրապարակված` Ցեղասպանությունը և անարդարությունն ու ջարդը դատապարտող հոդվածները։
Գանտահարյանի կարծիքով` այցի ընթացքում օգտագործված բառապաշարն ու եզրույթները հասկանալիորեն զգուշավորությամբ են հատկանշվել. թե՛ Վեհափառը և թե՛ դեսպանը քաղաքական օրակարգի ձևավորմանը նպաստող թեմաների են անդրադարձել` շրջանցելով Անկարայի դասական խաղի կանոնները, որոնք միշտ նպատակ են ունեցել սեպ խրել հայկական կողմի և իսլամական աշխարհի միջև։
«Ինքնին այցը Անթիլիաս և Ցեղասպանության զոհերի հիշատակը հարգելը իրադարձային է ու նախանշային, և սկսված գործընթացի կայացման դեպքում միտումներ կարող են լինել Երևանի հետ դիվանագիտական հարաբերությունների հաստատման մեկնարկի համար»,- նշեց նա:

     

Քաղաքական

Տնտեսական

Արցախի թեմն ազատվել է գույքահարկից և հողի հարկի գծով առաջացած պարտավորություններից. ֆինանսների նախարար

ԱՀ կառավարության նիստին ներկայացված «Գույքահարկի մասին» օրենքում լրացումներ կատարելու մասին» և ««Հողի հարկի մասին» օրենքում փոփոխություն և լրացումներ կատարելու մասին» օրենքների նախագծերի փաթեթով առաջարկվել և որոշվել է, որ Հայաստանյայց Առաքելական Սուրբ Եկեղեցու Արցախի թեմին ազատել սեփականության իրավունքով պատկանող` հուշարձանի կարգավիճակ չունեցող եկեղեցիների, հոգևոր-մշակութային, կրթադաստիարակչական, եկեղեցական և ծիսական պարագաների արտադրության և իրացման համար օգտագործվող շենքերի ու շինությունների համար հաշվարկվող գույքահարկից և դրանց սպասարկման համար անհրաժեշտ հողամասերի հողի հարկից, ինչպես նաև ազատել մինչև 2019 թվականի հունվարի 1-ը հաշվարկված գույքահարկի և հողի հարկի գծով առաջացած պարտավորություններից:

Բաժնի բոլոր նյութերը

Հասարակական

Ամենադիտված

ամիս

շաբաթ

օր

Քաշաթաղում հայտնաբերել են հրազենային վնասվածքներով 27-ամյա երիտասարդի դի

Մանրամասներ Արագած լեռան վրա արջի հարձակման հետևանքով մահացած լեհ լեռնագնացի մասին. SHANTNEWS.am

Երևանի պետական բժշկական համալսարանում սովորում են 175 արցախցի ուսանողներ. Արմեն Մուրադյան

Բացառիկ զորավարժություն, որին ներգրավված կլինեն ողջ երկիրն ու յուրաքանչյուրը․ ՀՀ ՊՆ

ՀՀ ԱԱԾ տնօրեն Արթուր Վանեցյանը հրաժարականի դիմում է ներկայացրել

Վանեցյանն անդրադարձել է իր հրաժարականին և հետագա անելիքներին

Բակո Սահակյանը հրավիրել է աշխատանքային խորհրդակցություն

Ստեփանակերտի որոշ փողոցներում ժամանակավորապես կդադարեցվի գազամատակարարումը

Քարվաճառում առաջին անգամ կազմակերպվել է մեղրի փառատոն (լուսանկարներ)

Search