Artsakhpress

Տնտեսական

ԵՏՄ-ում հայտարարել են, որ պատրաստ չեն լիովին չեղարկել Չինաստանի հետ առեւտրային սահմանափակումները

ԵՏՄ երկրներն առայժմ պատրաստ չեն Չինաստանի հետ ազատ առեւտրի գոտու ստեղծմանը:

ԵՏՄ-ում հայտարարել են, որ պատրաստ չեն լիովին չեղարկել Չինաստանի հետ առեւտրային սահմանափակումները

ԵՏՄ-ում հայտարարել են, որ պատրաստ չեն լիովին չեղարկել Չինաստանի հետ առեւտրային սահմանափակումները
ՍՏԵՓԱՆԱԿԵՐՏ, 10 ապրիլիԱՐՑԱԽՊՐԵՍ: ՌԻԱ «Նովոստի»-ին տված հարցազրույցում ասել է Եվրասիական տնտեսական հանձնաժողովի առեւտրի նախարար Վերոնիկա Նիկիշինան, փոխանցում է news.am-ը:
«Այս փուլում ԵՏՄ անդամ պետությունների բիզնեսը առայժմ պատրաստ չէ լիովին աջակցել շուկաների բացմանը, ինչպես պահանջում են ԱԱԳ ստեղծման կանոնները»,- ասել է Նիկիշինան։ Նրա խոսքով՝ նման բանակցություններից առաջ հարկ է վերլուծել այդ քայլի հնարավոր հետեւանքները։
«ԵՏՄ անդամ պետությունների տնտեսությունը չափազանց տարասեռ է, ուստի պահանջվում է գնահատել շահերն ու ռիսկերը յուրաքանչյուր անդամ պետության համար, ընդ որում՝ սեկտորների եւ ճյուղերի կտրվածքով, իսկ մի շարք դեպքերում՝ կոնկրետ ապրանքների կտրվածքով»,- պարզաբանել է նա։
ԵՏՄ-ն ստեղծվել է Մաքսային միության եւ Միասնական տնտեսական տարածքի հիման վրա  եւ գործում է 2005 թվականի հունվարի 1-ից։ ԵՏՄ անդամներ են Հայաստանը, Բելառուսը, Ղազախստանը, Ռուսաստանը եւ Ղրղզստանը։ ԵՏՄ-ում ԱԱԳ ստեղծելու ցանկություն են արտահայտել մի շարք երկրներ եւ միջազգային կազմակերպություններ, այդ թվում Չինաստանը, Թաիլանդը, Եգիպտոսը, Հնդկաստանը, իսկ Իրանն արդեն ստորագրել է ժամանակավոր համաձայնագիր ԵՏՄ-ի հետ նման գոտի ստեղծելու մասին։
Նիկիշինան հիշեցրել է, որ անցած տարվա մայիսին ԵՏՄ-ն եւ Չինաստանը ստորագրել են համաձայնագիր առեւտրատնտեսական համագործակցության մասին։ «Չինաստանն արդեն վավերացրել է այդ համաձայնագիրը։ Եվրասիական տնտեսական հանձնաժողովը եւ ԵՏՄ անդամ պետությունները ավարտում են անհրաժեշտ ընթացակարգը։ Այս առնչությամբ կարծում ենք, որ ամենամոտ ապագայում համաձայնագիրն ուժի մեջ կմտնի»,- ասել է նա։
Այդ համաձայնագիրը չի նախատեսում տուրքերի իջեցում կամ ծառայությունների, պետգնումների շուկաների բացում, բայց այն թույլ է տալիս էապես նվազեցնել առեւտրում առկա պատնեշները, քանի որ դրանց մեծ մասը, ըստ Նիկիշինայի, արտահայտված է ոչ թե տուրքերում, այլ վկայագրման, տեխնոլոգիական կարգավորման եւ վարչական այլ ընթացակարգերի ոլորտում։ 

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Մահվան ելքով ՃՏՊ՝ Ստեփանակերտ-Ասկերան ավտոճանապարհին (թարմացում ՊԲ-ից)

Ստամբուլի ընտրությունները ավարտվեցին. Էրդողանի կուսակցության թեկնածուն դարձյալ պարտվեց

Գեներալ-մայոր Միքայել Արզումանյանը նշանակվել է ԱՀ ՊԲ հրամանատարի տեղակալ

Ստեփանակերտում դիմավորել են Եվրոպայի չեմպիոնի տիտղոսը նվաճած Վարդան Ղալայանին

Ստեփանակերտում դիմավորել են Ֆրանսիայի և Բելգիայի առաջնություններից հաղթանակով վերադարձած ձյուդոյիստներին

Ադրբեջանը Ֆրանսիայի հետ զրահատեխնիկա կարտադրի

Իրանում մահապատժի են ենթարկել ՊՆ-ի աշխատակցին ԱՄՆ-ի օգտին լրտեսության համար

ՀՀ զինված ուժերի տանկիստները պատրաստ են թշնամու ցանկացած ոտնձգության

ԵԱ․ Արմեն Նազարյանի որդին եզրափակիչում հաղթեց թուրք մրցակցին՝ 10։0 (ֆոտո)

Search