Artsakhpress

Սփյուռք

ԱՄՆ սենատորները ներկայացրել են նոր բանաձեւ Հայոց ցեղասպանության մասին

Նյու Ջերսիից սենատոր Ռոբերտ Մենենդեսը եւ Տեխասից սենատոր, ԱՄՆ նախագահի նախկին թեկնածու Թեդ Քրուզը Սենատում ներկայացրել են երկկուսակցական բանաձեւ, որով ճանաչվում եւ դատապարտվում է 1915 թվականի Հայոց ցեղասպանությունն Օսմանյան կայսրությունում։

ԱՄՆ սենատորները ներկայացրել են նոր բանաձեւ Հայոց ցեղասպանության մասին

ԱՄՆ սենատորները ներկայացրել են նոր բանաձեւ Հայոց ցեղասպանության մասին
ՍՏԵՓԱՆԱԿԵՐՏ, 10 ապրիլիԱՐՑԱԽՊՐԵՍ: Բանաձեւին կողմ է եղել 14 սենատոր, տեղեկացնում է Ամերիկայի Հայ ազգային կոմիտեն (ԱՀԱԿ)։
ԱՀԱԿ գործադիր տնօրեն Արամ Համբարյանը շնորհակալություն է հայտնել սենատորներին՝ նշելով, որ այդ բանաձեւը վերջնակետի կհասցնի Ցեղասպանության միտումնավոր ժխտումը։
Մենենդեսի խոսքով՝ Հայոց ցեղասպանությունը պատմական փաստ է, որը քննարկման ենթակա չէ։
«Միայն Ցեղասպանության փաստի ճանաչումից հետո մենք կկարողանանք հույս ունենալ, որ ապագայում նման երեւույթները կկանխվեն»,- ասել է սենատորը։
Նշենք, որ ապրիլի 9-ին ԱՄՆ Ներկայացուցիչների պալատի անդամներ Ադամ Շիֆը եւ Գաս Բիլիրակիսը ներկայացրել էին նոր բանաձեւ Հայոց ցեղասպանության ճանաչման մասին։
Բանաձեւին կողմ է եղել ԱՄՆ 70 կոնգրեսական, առաջարկվել է մտցնել մի շարք նոր դրույթներ Վաշինգտոնի քաղաքականությունում, ներառյալ այն միջոցները, որոնք ուղղված կլինեն Հայոց ցեղասպանության ճանաչման որոշակի քայլերի իրականացմանը։
Հեղինակները կոչ են անում ԱՄՆ իշխանություններին պաշտոնապես ճանաչել Հայոց ցեղասպանությունը, կասեցնել հանցագործությունը ժխտելու փորձերը եւ գիտակցել Հայոց ցեղասպանության պատմության ուսումնասիրման անհրաժեշտությունն այն բանի համար, որպեսզի ապագայում կանխվեն նման երեւույթները։ 

     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հենրիխ Մխիթարյանն ամուսնացել է Սուրբ Ղազար կղզում

Արցախում զինծառայող է զոհվել հակառակորդի արձակած կրակոցից

Շուշիում բնակելի շենքից 13–ամյա երեխա է ցած ընկել

Մահվան ելքով ՃՏՊ՝ Ստեփանակերտ-Ասկերան ավտոճանապարհին (թարմացում ՊԲ-ից)

Արցախի ԱԳՆ. քննարկման փուլում են գտնվում տարբեր երկրների վարչական միավորների հետ նոր հռչակագրեր ստորագրելու մասին առաջարկությունները

Գեներալ-մայոր Վարդան Բալայանն ազատվել է ԱՀ ՊԲ-ի հրամանատարի տեղակալի պաշտոնից

Ստեփանակերտում կկազմակերպվի հովանոցների փառատոն

Վալանսի եւ Ստեփանակերտի միջեւ բարեկամության հռչակագրի չեղարկման վերաբերյալ արձագանքել է Վալանսի քաղաքապետը

Պետք է պատասխանատվություն կրել սեփական խոսքերի համար. Քաշաթաղի շրջվարչակազմի ղեկավարը դիմում է դատարան

Search