Artsakhpress

Հասարակական

ՆԱՍԱ-ն երկվորյակ եղբայրների օրինակով ապացուցել է, որ տիեզերքում գտնվելը փոխում է մարդու ֆիզիոլոգիան

ԱՄՆ Օդագնացության և տիեզերական տարածության հետազոտությունների ազգային գործակալության (ՆԱՍԱ) անցկացրած հետազոտության արդյունքում հաստատվել է, որ տիեզերքում գտնվելու հետևանքով մարդը կրում է ֆիզիոլոգիական փոփոխություններ:

ՆԱՍԱ-ն երկվորյակ եղբայրների օրինակով ապացուցել է, որ տիեզերքում գտնվելը փոխում է մարդու ֆիզիոլոգիան

ՆԱՍԱ-ն երկվորյակ եղբայրների օրինակով ապացուցել է, որ տիեզերքում գտնվելը փոխում է մարդու ֆիզիոլոգիան

ՍՏԵՓԱՆԱԿԵՐՏ, 13 ապրիլի, ԱՐՑԱԽՊՐԵՍԻնչպես նշում է tert.am-ը, ՆԱՍԱ-ն հետազոտել է գենետիկորեն նույնանման երկվորյակ տիեզերագնացներ Մարկ և Սքոթ Քելիներին՝ նրանցից մեկին 11 ամսով ուղարկելով Միջազգային տիեզերակայան, իսկ մյուսին թողնելով Երկրի վրա, որպեսզի ավելի ուշ նրանց տվյալները համեմատվեն:

Մասնագետների տասը թիմ մշտադիտարկել է ու վերլուծել Քելի երկվորյակների ֆիզիոլոգիային առնչվող ամեն դետալ՝ աղիքային բակտերիաներից մինչև գենային ակտիվություն ու կոգնիտիվ հնարավորություններ:

Արդյունքում պարզվել է, որ ՄՏԿ-ում մոտ մեկ տարի անցկացնելուց հետո Սքոթ Քելիի մոտ ի հայտ են եկել գենային ակտիվությանն առնչվող փոփոխություններ: Գեներից որոշները կապ են ունեցել իմունային համակարգի հետ, որը տիեզերքում գտնվելու ժամանակ մեծ լարվածության տակ է հայտնվում:

Բացի այդ, փոխվել է Սքոթի ակնախնձորի չափսը, բարակել են ցանցաթաղանթի նյարդն ու ճակատի մաշկը: Բացասական փոփոխություններ են գրանցվել տիեզերագնացի կոգնիտիվ ունակությունների հարցում:

Սակայն ամենահետաքրքիրն այն է, թե ինչ է պատահել Սքոթի տելոմերների`քրոմոսոմների ծայրերին գտնվող փոքրիկ մարմինների հետ: Տարիքին զուգահեռ տելոմերների երկարությունը կարճանում է, դա տեղի է ունենում նաև ֆիզիկական սթրեսի դեպքում: Սքոթի դեպքում տելոմերներն անսպասելիորեն երկարել են, ինչը մասնագետները չէին սպասում: Սակայն Երկիր վերադառնալուց հետո տղամարդու տելոմերները կրկին փոքրացել են՝ հավասարվելով երկվորյակ եղբոր տելոմերների չափսին:

Մասնագետները մանրամասնել են, որ Երկիր վերադառնալուց հետո ֆիզիոլոգիական փոփոխությունները վեց ամսվա ընթացքում վերացել են:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Հենրիխ Մխիթարյանն ամուսնացել է Սուրբ Ղազար կղզում

Արցախում զինծառայող է զոհվել հակառակորդի արձակած կրակոցից

Շուշիում բնակելի շենքից 13–ամյա երեխա է ցած ընկել

Մահվան ելքով ՃՏՊ՝ Ստեփանակերտ-Ասկերան ավտոճանապարհին (թարմացում ՊԲ-ից)

Արցախի ԱԳՆ. քննարկման փուլում են գտնվում տարբեր երկրների վարչական միավորների հետ նոր հռչակագրեր ստորագրելու մասին առաջարկությունները

Գեներալ-մայոր Վարդան Բալայանն ազատվել է ԱՀ ՊԲ-ի հրամանատարի տեղակալի պաշտոնից

Ստեփանակերտում կկազմակերպվի հովանոցների փառատոն

Վալանսի եւ Ստեփանակերտի միջեւ բարեկամության հռչակագրի չեղարկման վերաբերյալ արձագանքել է Վալանսի քաղաքապետը

Պետք է պատասխանատվություն կրել սեփական խոսքերի համար. Քաշաթաղի շրջվարչակազմի ղեկավարը դիմում է դատարան

Search