Մենք հասկացրինք, որ այլեւս չենք հանդուրժի Թուրքիայի ագրեսիան Միջերկրական ծովի Արեւելյան շրջանում, հայտարարել է ամերիկյան դեմոկրատ սենատոր Ռոբերտ Մենենդեսը:
Մենք հասկացրինք, որ այլեւս չենք հանդուրժի Թուրքիայի ագրեսիան Միջերկրական ծովի Արեւելյան շրջանում. Ռոբերտ Մենենդես
ՍՏԵՓԱՆԱԿԵՐՏ, 14 ապրիլի, ԱՐՑԱԽՊՐԵՍ: NEWS.am-ի փոխանցմամբ, այս մասին հաղորդում է Cyprus Mail-ը:
Նրա խոսքերով՝ ԱՄՆ-ը «պետք է անի ավելին. մենք պետք է մեծացնենք աջակցությունը, որը թույլ կտա Հունաստանին կատարել իր պարտավորությունները ՆԱՏՕ-ի առաջ» եւ չեղարկենք Կիպրոսի Հանրապետության նկատմամբ էմբարգոն զենքի մատակարարման առումով:
1987 թվականին ԱՄՆ-ը հաստատել էր սահմանափակումները Կիպրոսի հանդեպ զենք եւ պաշտպանողական նյութեր փոխանցելու առումով՝ փորձելով խթանել կղզու վերամիավորման ջանքերը եւ խուսափել սպառազինության մրցավազքից:
Մենենդեսն ու հանրապետական սենատոր Մարկո Ռուբիոն ներկայացրել են օրինագիծ, որն ուղղված է Կիպրոսի՝ զենք վաճառելու էմբարգոն չեղարկելուն, անվտանգության ոլորտում Կիպրոսի եւ Հունաստանի հետ ԱՄՆ- հարաբերությունները ամրապնդելուն:
Ակնկալվում է, որ երկուշաբթի Մենենդեսը կժամանի Կիպրոս եւ, չնայած նրա այցը մասնավոր է, նա պետք է հանդիպի նախագահ Նիքոս Անաստասիադեսի եւ արտաքին գործերի նախարար Նիքոս Քրիստոդուլիդի հետ:
Դիվանագիտական աղբյուրը հայտնել է Կիպրոսի նորությունների գործակալությանը, որ նախագահի հետ Մենենդեսի հանդիպման ժամանակ կքննարկվի էմբարգոյի չեղարկման, Կիպրոսի ու ԱՄՆ-ի միջեւ հարաբերությունների հարցը: «Մենենդեսը միանշանակ շատ մեծ կարեւորություն ունի Կիպրոսի համար»,-ասել է աղբյուրը:
