Ժամեր տևած հրդեհաշիջման աշխատանքների արդյունքում Փարիզի Աստվածամոր տաճարում բռնկված հրդեհը մարվել է։
Փարիզի Աստվածամոր տաճարի հրդեհը մարվել է․ տաճարի վերականգնման համար դրամահավաք է սկսվել
ՍՏԵՓԱՆԱԿԵՐՏ, 16 ապրիլի, ԱՐՑԱԽՊՐԵՍ:Հրդեհը լիովին ոչնչացրել է տաճարի տանիքը, սրածայր գագաթն ու ժամացույցը։ SHANTNEWS.am-ի փոխանցմամբ, այս մասին հայտնում է Figaro-ն։
Հրշեջները շարունակում են հովացնել տաք կոնստրուկցիաները, որպեսզի հրդեհը չվերսկսվի։ Հրդեհաշիջման աշխատանքների ժամանակ մեկ հրշեջ է տուժել։ Հրդեհի ժամանակ հասցրել են տաճարից դուրս բերել Փշե պսակը, որը խաչելությունից կարճ ժամանակ առաջ եղել է Հիսուսի գլխին։
Ապրիլի 16-ին կսկսվի դրամահավաք՝ տաճարի վերականգնման աշխատանքների համար։ Դրամահավաքի մեկնարկի մասին հայտարարել է Ֆրանսիայի նախագահ Էմանուել Մակրոնը՝ նշելով, որ Աստվածամոր տաճարը ֆրանսիացիների պատմությունն է, գրականությունը, հոգու մասնիկը։
Line Press ֆրանսիական գործակալությունն իր թվիթերյան էջում հրապարակել է տեսանյութ այրվող տաճարի ներսից։
