Ամերիկյան Stratfor մասնավոր վերլուծական ընկերությունն իր կայքում ծավալուն անդրադարձ է կատարել աշխարհի անկախ, ինչպես նաև դեռևս չճանաչված պետություններին, որոնց շարքում է ներառել նաև Արցախը:
Stratfor-ն Արցախը ներառել է դե-ֆակտո անկախ պետությունների շարքում
ՍՏԵՓԱՆԱԿԵՐՏ, 16 ապրիլի, ԱՐՑԱԽՊՐԵՍ: «Աշխարհում քանի՞ երկիր կա: Այս հարցին ճիշտ պատասխանելու համար նախևառաջ հարկավոր է հասկանալ «երկիր» բառի սահմանումը: Ըստ ՄԱԿ-ի՝ աշխարհում կա 195 անկախ պետություն, որից 193-ը ՄԱԿ-ի անդամ է, իսկ 2-ը՝ Վատիկանն ու Պաղեստինը, դիտորդ պետության կարգավիճակ ունեն»,- Tert.am-ի փոխանցմամբ, գրում է աղբյուրը:
Սակայն աշխարհի քարտեզի վրա կան վիճելի տարածքներ, որոնք մասամբ են ճանաչված:
«Ինչ վերաբերում է ՄԱԿ-ի անդամ երկրների կողմից չճանաչված, սակայն դե-ֆակտո անկախ պետություններին, ապա դրանք են Արցախը (Լեռնային Ղարաբաղ), Տրանսնիստրիան և Սոմալիլենդը»,-շարունակում է աղբյուրը՝ հավելելով, որ 2014թ. ի վեր այս ցանկը համալրելու հավակնություն ունեն նաև Լուգանսկի և Դոնեցկի ինքնահռչակ հանրապետությունները:
