Artsakhpress

Սպորտ

Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին (լուսանկարներ)

Ստեփանակերտի «Մենք ենք մեր սարերը» հուշահամալիրում այսօր տեղի է ունեցել Կիպրոսի Լիմասոլ քաղաքում անցկացված սամբոյի Եվրոպայի պատանեկան ու երիտասարդական առաջնություններում մրցանակային տեղեր գրաված արցախցի մարզիկների դիմավորման հանդիսավոր արարողություն:

Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին (լուսանկարներ)

Ստեփանակերտում դիմավորել են Եվրոպայի առաջնությունից հաղթանակով վերադարձած սամբիստներին (լուսանկարներ)
ՍՏԵՓԱՆԱԿԵՐՏ, 17 ապրիլի, ԱՐՑԱԽՊՐԵՍՆրանց ողջունել են դրոշներով, զուռնա-դհոլով, ցուցապաստառներով:
ԱՀ կրթության, գիտության և սպորտի նախարար Նարինե Աղաբալյանը դափնեպսակներ է հանձնել մարզիկներին և հավաքականի Արցախի և Հայաստանի վաստակավոր մարզիչ Էռնեստ Միրզոյանին:

«Արցախպրես»-ի թղթակցի հետ զրույցում ԱՀ կրթության, գիտության և սպորտի նախարարի տեղակալ Աշոտ Դանիելյանն ասել է, որ նախորդ տարիների համեմատ,ինքն էլ ավելի բարձր է գնահատում առաջնության արդյունքները:
«Մեր մարզիկները պատվով հանդես եկան և նրանց շնորհիվ Հայաստանի պատանեկան հավաքականը Եվրոպայի առաջնությունում գրավեց թիմային 2-րդ տեղ՝ զիջելով Ռուսաստանին: Վստահ եմ, որ նրանք կշարունակեն իրենց հաղթարշավը և աշխարհի առաջնությանը կներկայանան առավել բարձր մակարդակով»,-մասնավորապես ասել է Ա. Դանիելյանը:

Մեզ հետ զրույցում Էռնեստ Միրզոյանն էլ ավելացրել է, որ ինքը շատ գոհ է իր սաների ցուցաբերած արդյունքներից. նրանք դժվարին պայքարում պատվավոր ու արժանի հաղթանակ են գրանցել: Նա վստահ է, որ սպասվող առաջնություններում ևս մարզիկները ուրախության դեռ շատ առիթներ կպարգևեն արցախցիներին:
Սամբոյի Եվրոպայի պատանեկան առաջնությունում ոսկե մեդալակիր Դավիթ Հովսեփյանն ասել է, որ անչափ ոգևորված է հայրենիքում նման ընդունելության արժանանալուց:
«Ունեցա 3 գոտեմարտ և, եզրափակչում դժվարությամբ հաղթելով վրացի մարզիկին, դարձա չեմպիոն: Եվրոպայի առաջնությանը մասնակցում եմ երկրորդ անգամ: Նախորդ տարի գրավել էի 2-րդ մրցանակային տեղ: Ավելի մեծ թափով աշխատելով ու նախապատրաստվելով առաջնությանը՝այս անգամ կարողացա գրանցել լիարժեք հաղթանակ: Երազում եմ  դառնալ աշխարհի չեմպիոն և կանեմ ամեն ինչ նպատակիս հասնելու համար»,-նշել է մարզիկը:

Հիշեցնենք,որ ապրիլի 12-14-ը Կիպրոսի Լիմասոլ քաղաքի Spyros Kyprianou Sports enter Limassol Polemidia մարզապալատում անցկացված սամբոյի Եվրոպայի պատանեկան ու երիտասարդական առաջնություններում հայ սամբիստները նվաճել են 16 մեդալ:


     

Քաղաքական

Տնտեսական

Հասարակական

Ռազմական

Ամենադիտված

ամիս

շաբաթ

օր

Արցախի նախագահական ընտրություններին մասնակցելու հայտ է ներկայացրել 12 թեկնածու

Սամվել Բաբայանի գրասենյակը կեղծ հայտարարություն է տարածել. պարզաբանում

Արցախում երկու զինծառայող է զոհվել

Դատարանը հրապարակեց Սամվել Բաբայանի դատական գործով որոշումը

Սամվել Բաբայանի ղեկավարած կուսակցությունը կսատարի Մասիս Մայիլյանի թեկնածությունը

Ստեփանակերտում կկառուցվի նոր, իր չափերով գուցե ամենամեծ բնակելի թաղամասը. Արայիկ Հարությունյան

Համապետական ընտրություններին մասնակցելու հայտ է ներկայացրել 14 նախագահի թեկնածու, 2 կուսակցությունների դաշինք և 10 կուսակցություն

Աջակցում ենք նախագահի թեկնածու Արայիկ Հարությունյանին. ավելի քան մեկ տասնյակ հասարակական կազմակերպություններ հանդես են եկել հայտարարությամբ

Ստեփանակերտ-Երևան երկկողմանի ճանապարհները փակ են. ԱԻՊԾ

Search