Artsakhpress

Տնտեսական

Գյուղատնտեսության ոլորտում համախառն արտադրանքը կազմել է 74 միլիարդ դրամ

ԱՀ կառավարության գործունեության օրակարգում հատուկ տեղ է զբաղեցնում գյուղատնտեսությունը: Այս ոլորտում 2018 թվականին համախառն արտադրանքը կազմել է 74 միլիարդ դրամ:

Գյուղատնտեսության ոլորտում համախառն արտադրանքը կազմել է 74 միլիարդ դրամ

Գյուղատնտեսության ոլորտում համախառն արտադրանքը կազմել է 74 միլիարդ դրամ
ՍՏԵՓԱՆԱԿԵՐՏ, 17 ապրիլի, ԱՐՑԱԽՊՐԵՍ«Արցախպրես»-ի թղթակցի հաղորդմամբ՝ այս մասին այսօր՝ ապրիլի 17-ին, Խորհրդարանում կայացած լիագումար նիստի ժամանակ ասել է ԱՀ Նախագահ Բակո Սահակյանը և ավելացրել, որ բնագավառում տարվող քաղաքականությունը նպատակաուղղված է եղել գյուղատնտեսական արտադրանքի ծավալների ավելացմանը՝ հողօգտագործման կատարելագործման ու անասնապահության ոլորտի զարգացման, գյուղատնտեսությամբ զբաղվող տնտեսությունների եւ տնտեսավարողների աջակցության գործուն մեխանիզմների շարունակականության ապահովման եւ նոր տեխնոլոգիաների ներդրման խթանման միջոցով:
Տասնյակ ծրագրերի շրջանակներում շարունակվել է սերմերի, պարարտանյութերի անհատույց տրամադրման կամ ձեռքբերման ծախսերի սուբսիդավորման ձեւով պետական աջակցության տրամադրումը ոլորտի տնտեսավարողներին: Գյուղատնտեսության լիարժեք զարգացման համար անհրաժեշտ է արդիական ոռոգման ցանց: Այս ուղղությամբ անցած տարի կատարվել է նպատակասլաց աշխատանք: Այսպես՝ հանրապետության տարբեր համայնքներում հորատվել, վերականգնվել եւ վերանորոգվել են խորքային հորեր, կառուցվել են ջրատարներ, ջրընդունիչներ, ենթակայաններ եւ էլեկտրասնուցման գծեր, ինչի արդյունքում ոռոգվող տարածքները ավելացել են եւս 223 հեկտարով:  Իրականացվել են 265 կիլոմետր ջրանցքների քարտեզագրման եւ հինգ տեղանքում ստորերկրյա ջրերի որոնման միջոցառումներ: Հատուկ ուշադրություն է դարձվել կաթիլային ոռոգման համակարգերի ցանցի ընդլայնմանը: 2019 թվականին նախատեսվում է կաթիլային համակարգով ոռոգվող այգիների տարածքը ավելացնել  եւս 400 հեկտարով՝ հասցնելով 1400-ի:
Հանրապետության Նախագահի խոսքով՝ կշարունակվեն ոլորտում ձեռնարկված բարեփոխումները՝ ուղղված գյուղատնտեսության զարգացման հայեցակարգային նպատակների իրագործմանը, մասնավորապես՝ ցանքաշրջանառության շնորհիվ հողի բերրիության պրոգրեսիվ աճի եւ բերքատվության ապահովմանը, կաթիլային ոռոգման համակարգերի ներդրման խթանմամբ պտղաբուծության զարգացմանը, անասնաբուծության ոլորտի կանոնակարգմանը, սննդամթերքի անվտանգության համակարգի կատարելագործմանը, ինչպես նաեւ գյուղատնտեսության տնտեսվարման ձեւերի զարգացման համատեքստում  գյուղատնտեսական կոոպերացիայի ու փոխօգնության կոոպերատիվների համակարգի զարգացման խթանմանը: 

     

Քաղաքական

Հասարակական

Ռազմական

Ամենադիտված

ամիս

շաբաթ

օր

Նախագահի նոր նշանակումները. Կարեն Սարգսյանը նշանակվել է Արցախի արտակարգ իրավիճակների պետական ծառայության տնօրեն

Հայտնի է Արցախի նոր կառավարության և պետական կառավարման այլ մարմինների կառուցվածքը

Նախագահ Արայիկ Հարությունյանը նոր նշանակումներ է արել

Նախագահ Հարությունյանը ստորագրել է մի շարք հրամանագրեր

Ոստիկանության գնդապետ Աշոտ Հակոբջանյանը նշանակվել է Արցախի Հանրապետության ոստիկանության պետ

Եկեք հունիսի 1-ին, իսկապես, փորձենք պաշտպանել մեր երեխաների առողջությունը.Գրիգորի Մարտիրոսյան

Սամվել Շահրամանյանը նշանակվելու է ԱՀ Ռազմահայրենասիրության, երիտասարդության, սպորտի և զբոսաշրջության նախարար, Կամո Աղաջանյանը՝ ԱԱԾ տնօրեն (Տեսանյութ)

Փոփոխություններ կլինեն շրջվարչակազմերի ինստիտուտում. Արայիկ Հարությունյանը մանրամասներ է ներկայացրել

Նախագահ Արայիկ Հարությունյանը խոցել է 500 մետր հեռավորության նշանակետը (տեսանյութ)

Search