Artsakhpress

Մշակույթ

Գրիգոր Նարեկացի համալսարանում կայացել է արձակագիր Բակուր Կարապետյանի «Վաչական բարեպաշտ թագավոր» գրքի շնորհանդեսը

ԱՀ մշակույթի, երիտասարդության հարցերի և զբոսաշրջության նախարարության և ԱՀ գրողների միության համատեղ նախաձեռնությամբ այսօր Գրիգոր Նարեկացի համալսարանի պոեզիայի և գիտական նիստերի դահլիճում կայացել է արձակագիր, հրապարակախոս, լրագրող և գեղանկարիչ Բակուր Կարապետյանի «Վաչական բարեպաշտ թագավոր» գրքի շնորհանդեսը:

Գրիգոր Նարեկացի համալսարանում կայացել է արձակագիր Բակուր Կարապետյանի «Վաչական բարեպաշտ թագավոր» գրքի շնորհանդեսը

Գրիգոր Նարեկացի համալսարանում  կայացել  է արձակագիր Բակուր  Կարապետյանի  «Վաչական բարեպաշտ  թագավոր»   գրքի  շնորհանդեսը
ՍՏԵՓԱՆԱԿԵՐՏ, 19 ապրիլի, ԱՐՑԱԽՊՐԵՍ: «Արցախպրես»-ի թղթակցի  հաղորդմամբ՝  միջոցառմանը  բացման  խոսքով  հանդես  է  եկել   ԱՀ  գրողների  միության  նախագահ  Վարդան  Հակոբյանը՝  կարևորելով   հեղինակի  կողմից  գրված   վեպի   արժեքը:
Նրա  խոսքով՝  հայ  գրականության  ակունքներում  եղել  է  պատմավիպասանությունը,  և  այսօր էլ կան մնայուն   աշխատանքներ՝  կապված Վաչական  թագավորի  բացառիկ  կերպարի հետ:
«Բակուր  Կարապետյանի  «Վաչական բարեպաշտ  թագավոր»  պատմավեպը  մեծ  արձագանք  է  գտել հանրության  մեջ:  Պատմավիպասանության   խնդիրը  կայանում  է  նրանում, որ  անցյալին   անդրադառնալով,    մենք  կարողանանք    ցույց  տալ    ներկան: Հեղինակը   պատմավեպի  մեջ  ստեղծել է  իր   ժամանակը»,-ավելացրել  է  Վ.  Հակոբյանը:
Խոսելով  գրքի    վերնագրի  մասին՝ նա  նշել   է, որ   հատուկ  անունների  գրությունները  չպետք  է   աղավաղել, այսինքն՝  Վաչականը, երբեք  չպետք  է   օգտագործել  Վաչագան:
Գրքի  հեղինակ  Բակուր Կարապետյանն իր  ելույթում   ասել  է, որ  պատմավեպը  ընդգրկում  է  5-րդ  դարի 2-րդ  կեսն ու 6-րդ  դարի  սկիզբը:  Գրքում ներկայացվում  է  պատմական  նորահայտ  դրվագներ  թե´ Վաչական  Բարեպաշտի  և  թե´  Հայոց  հյուսիս-արևելքի   կյանքից:
Խոսելով  Վաչական Բարեպաշտի  մասին՝  գրքի   հեղինակը  նշել է. «Հայոց հյուսիս-արևելյան  (Աղվանից) թագավորների  շարքում  Վաչականը  11-րդն  է: Ավարտելով  Ցուրտամուվ  Աշուշա  բդեշխի  հիմնած  դպրոցը՝ Վաչականը  վերադարձել   է  Արցախ, վերականգնել   Աղվանից  թագավորությունը, Սահմանադիր   ժողովում  հաստատել   Մեծ Հայքում  ընդունած  Աշտիշատի ժողովում  ընդունված   կանոնները:  Նա  նաև   հիմնել   է  եկեղեցիներ  ու  դպրոցներ»:
 
Բանաստեղծ  Սոկրատ  Խանյանն  անդրադառնալով  գրքին՝  ասել է.  «Որպես  պատմավեպ՝   բավականին  հետաքրքիր  է  ներկայացված:  Նշեմ, որ  գրքի  մասին    հոդված  եմ գրել  գրական  թերթում, որտեղ  հանդես  եմ եկել   իմ   նկատառումներով:  Թերթի  հաջորդ  համարում  էլ  ստացել  եմ գրքի  հեղինակի   պատասխանը: Պատմավեպը  գրելու  համար   պետք  է  լինել    պատմաբան, գեղարվեստական   պատկերի  ստեղծման   վարպետ: Կարդալով  այս  պատմավեպը՝  ընթերցողը մտովի  տեղափոխվում  է   5-րդ  դարի    2-րդ  կես:  Գիրքն  ունի   և´  դաստիարակչական  և´   ճանաչողական  արժեք,  և  ընթերցողին  պատճառում  է գեղագիտական  հաճույք»:
Ըստ  Գրիգոր Նարեկացի  համալսարանի  հայոց  լեզվի  և գրականության  ամբիոնի  դասախոս  Նանար  Սիմոնյանի՝  Վաչագան Բարեպաշտ թագավորի կերպարը հայ  ժողովրդին հայտնի է պատմագիտական աշխատություններից՝ Մովսես Կաղանկատվացու «Պատմություն Աղվանից աշխարհի», Ստեփանոս Օրբելյանի «Պատմություն տանն Սիսական», ինչպես նաև ժողովրդական ավանդություններից: «Վաչագան Բարեպաշտի կերպարն առավել ամբողջական է դառնում գեղարվեստական գործերում: Նրա կերպարն առաջին անգամ գեղարվեստորեն մարմնավորվել է Ղազարոս Աղայանի «Անահիտ» հեքիաթում: Նրա հերոսկան կերպարին անդրադարձել են նաև պատմավիպասան Հայկ Խաչատրյանը («Վաչագան» պատմավեպում) և բանաստեղծ Վարդան Հակոբյանը («Տաճարն Աստծո» վիպերգում): Բակուր Կարապետյանի «Վաչական Բարեպաշտ թագավոր» պատմավեպը փորձ է առավել ամբողջական և բազմակողմանի ներկայացնել Վաչական Բարեպաշտի կերպարը»,-մասնավորապես  ասել է  Ն.  Սիմոնյանը։
Շնորհանդեսին    ներկա  էին  ԱՀ  գրողների  միության  անդամներ,  ԱՀ  մշակույթի, երիտասարդության  հարցերի  և  զբսաշրջության   նախարարության  ներկայացուցիչներ,  համալսարանականներ  և  այլք:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ամփոփվել են sms քվեարկության առաջին արդյունքները. հայտնի են առաջատարները

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Բախվել են «ԳԱԶ-53»-ն ու «Hyundai Sonata»-ն. վերջինս ամբողջությամբ այրվել է. կան վիրավորները (ֆոտո)

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հադրութում կկայանա Արցախյան գինու վեցերորդ փառատոնը

Search