Հետաքննող լրագրող Լայրա ՄըքՔին մահացու վիրավորում է ստացել՝ լուսաբանելով ընդհարումը, որի ընթացքում խռովարարները բենզինով լցված շշեր և քարեր են նետել ոստիկանների վրա:
Նա հասցրել է Թվիթերում գրել, թե «իրավիճակը Լոնդոնդերիում նման է բացարձակ խենթության»:
Լայրա ՄըքՔին Mediagazer կայքի խմբագիրն էր, բնակվում էր Հյուսիսային Իռլանդիայի մայրաքաղաք Բելֆասթում:
Նա հեղինակել է մեծ թվով հոդվածներ Իռլանդիայի կաթոլիկների և բողոքականների տասնամյակներ տևած հակամարտության թեմայով, համարվել է հետաքննող լրագրության աստղ, մրցանակներ է վաստակել և անցյալ տարի կնքել է գիրքը հրատարակելու պայմանագիր:
