Artsakhpress

Մշակույթ

Ռուս բանաստեղծ Վիկտոր Կոնոպլյովը հանդիպել է ԱՀ գրողների միության անդամների հետ

ԱՀ կրթության, գիտության և սպորտի նախարարության և ռուսական համայնքի համատեղ նախաձեռնությամբ «Հպարտանում ենք մեր ընկերներով» ծրագրի շրջանակներում Արցախում գտնվող ռուս ժամանակակից գրող Վիկտոր Կոնոպլյովն այսօր Ստեփանակերտի Գրիգոր Նարեկացի համալսարանում հանդիպել է ԱՀ գրողների միության անդամների, բուհի պրոֆեսորադասախոսական կազմի և ուսանողների հետ:

Ռուս բանաստեղծ Վիկտոր Կոնոպլյովը հանդիպել է ԱՀ գրողների միության անդամների հետ

Ռուս  բանաստեղծ Վիկտոր Կոնոպլյովը  հանդիպել է    ԱՀ գրողների միության անդամների  հետ
ՍՏԵՓԱՆԱԿԵՐՏ, 22 ապրիլի, ԱՐՑԱԽՊՐԵՍ: «Արցախպրես»-ի թղթակցի հաղորդմամբ՝ միջոցառմանը բացման խոսքով հանդես է եկել ԱՀ գրողների միության նախագահ Վարդան Հակոբյանը:  Ողջունելով ներկաներին՝ նա  կարևորել է նման  հանդիպումների կազմակերպումը:
«Մեր ժողովուրդը, հատկապես ռուս իրականության մեջ, ունի այնպիսի մեծ բարեկամներ, որոնցով մենք հպարտանում ենք.  նրանցից  մեկն  է  Վիկտոր Կոնոպլյովը: Նա հայ ազգի պատմությանը գիտակ օտարազգի լավագույն բանաստեղծների ավանդույթների շարունակողն է: Կոնոպլյովը ռուս ժամանակակից պոեզիայի ամենահետաքրքիր ու ինքնատիպ դեմքերից է, ով չի կրկնում իր  նախորդներին և խոսում է իր ձայնով՝ ոսկերչական նրբանկատությամբ մոտենալով իր յուրաքանչյուր բառին»,-մասնավորապես նշել է Վ. Հակոբյանը:
Ռուս բանաստեղծի  ընկեր, արցախցի արձակագիր, լրագրող  Աշոտ Բեգլարյանն էլ իր խոսքում պատմել է, թե ինչպես է ինքը  ծանոթացել Կոնոպլյովի հետ:
«Տասնմեկ  տարի առաջ է կայացել մեր հանդիպումը: Ես  նրան ներկայացրել  եմ Արցախի պատմությունը: Այս տարիների ընթացքում Կոնոպլյովը պարբերաբար այցելում է Արցախ, լինում տարբեր շրջաններում, պատմամշակութային վայրերում, շփվում մարդկանց հետ  և  ծանոթանում նրանց հուզող խնդիրներին:  Մեր   ընկերությունը ժամանակի ընթացքում վեր է ածվել երկու  ազգերի՝ հայ և ռուս ժողովրդների բարեկամության:Նա  Արցախից  ստացած  իր  տպավորություններով   կիսվել  է  ռուս ժողովրդի  հետ, ինչպես  նաև  Արցախի  մասին գրել է մի շարք  հոդվածներ:  Նրան  այնքան  է դուր եկել Արցախի բնությունը, որ  այն համեմատել  է դրախտի հետ: Կոնոպլյովի   բանաստեղծություններից   մեկը   ներառվել  է  դպրոցական  ծրագրերում»,-մասնավորապես    ասել է  Ա. Բեգլարյանը:
Վիկտոր  Կոնոպլյովն  ասել է, որ ինքն  ուրախ է կրկին Արցախում լինելու համար  և անչափ շոյված է իր հասցեին ասված խոսքերից:
«Ես  փորձում եմ իմ բանաստեղծությունների միջոցով արտահայտել իմ սերն ու նվիրվածությունն  Արցախ աշխարհին ու նրա հերոսական ժողովրդին: Իմ կարծիքով, կարևոր չէ այն, թե ինչքան կգրես,այլ այն թե ինչ կգրես ու  այն ինչքանով կընդունվի ընթերցողի կողմից: Արցախի ժողովրդին ճանաչելով սիրահարվել եմ նրանց ու հիացել  նրա տոկունությամբ: Հպարտ  եմ, որ շփվում  եմ   մի այնպիսի  ազգի  հետ,  ով  կարողանում   է  աշխարհին   տալ  նշանավոր   գործիչներ, արվեստագետներ, տաղանդաշատ   պատանիներ, ովքեր  իրենց   տաղանդով ներկայանում  են   տարբեր  երկրներում»,-ավելացրել  է  Վ. Կոնոպլյովը:
Միջոցառմանը  Վ.  Կոնոպլյովն  ընթերցել  է  իր   գրական գործերից:
Նրա բանաստեղծություններով հանդես են եկել Գրիգոր Նարեկացի համալսարանի ուսանողները: Հանդիպմանը  ԱՀ  գրողների  միության  անդամ  Ծովինար  Բաղդասարյանը    ռուս  բանատեղծին է  նվիրել    բանաստեղծական   քառատող:
 Ելույթներով  հանդես  են  եկել  նաև  ԱՀ  գրողների   միության  անդամներ, դասախոսներ  և  այլք:
 

     

Քաղաքական

Հասարակական

Ռազմական

Search