Artsakhpress

Հասարակական

Հնդկական ավիաընկերությունները հետաքրքրված են Հայաստանի շուկայով. Տաթևիկ Ռևազյանի հարցազրույցը

ՀՀ քաղավիացիայի կոմիտեն ակտիվ քայլեր է ձեռնարկում հայաստանյան շուկա նոր ավիաընկերություններ ներգրավելու առումով:

Հնդկական ավիաընկերությունները հետաքրքրված են Հայաստանի շուկայով. Տաթևիկ Ռևազյանի հարցազրույցը

Հնդկական ավիաընկերությունները հետաքրքրված են Հայաստանի շուկայով. Տաթևիկ Ռևազյանի հարցազրույցը
ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍՔաղավիացիայի կոմիտեի նախագահ Տաթևիկ Ռևազյանն «Արմենպրես»-ի հետ զրույցում ներկայացրեց վերջին բանակցությունների արդյունքները, անդրադարձավ ոլորտում իրականացվող ծրագրերին և խնդիրներին:
-2018 թվականի հուլիսին դուք ստանձնեցիք Քաղաքացիական ավիացիայի կոմիտեի նախագահի պաշտոնը: Այս ընթացքում ձեր ծավալած գործունեության գլխավոր ձեռքբերումը ո՞րն եք համարում: 
-Իմ նպատակն այն էր, որ ավիացիայի ոլորտում քարտեզի վրա Հայաստանն ավելի տեսանելի դարձնեի: Խնդիր էի դրել, որ ավիացիայի ոլորտի ղեկավար անձինք ճանաչեն մեր երկիրը, իմանան, թե ով ենք մենք, ինչ հնարավորություն ունի մեր պետությունը: Իմ պաշտոնավարման ընթացքում կատարած աշխատանքի արդյունքում ես կարող եմ ասել, որ հասել եմ դրան: Օրերս, աշխատանքային այցով Սինգապուրում էի, որտեղ կայացած կոնֆերանսին 80 երկրից 120 ղեկավար էր մասնակցում: Նրանցից շատերի հետ ես շփումներ ունեցա ներկայացրեցի մեր երկիրը, մեր հնարավորությունները: Կոնֆերանսին խոսում էինք ավիացիայի ապագայի մասին, ես նշեցի, որ եթե մենք խոսում ենք ավիացիայի ոլորտում նոր տեխնոլոգիաների կիրառության մասին, ապա առաջին հերթին պետք է քաղավիացիայի ղեկավարներին կրթել, որովհետև շատերը իրազեկված չեն:  Իմ խոսքից հետո, նշվեց, որ նոր գաղափարները կարող են Հայաստանի նման երկրներից գալ: Ես ամեն ինչ անում եմ, որ Հայաստանին չդիտարկեն մի երկիր, որին անընդհատ պետք է օգնել: Ցանկանում եմ ցույց տալ, որ մենք կարող ենք նոր գաղափարներով, նոր առաջարկություններով հանդես գալ: Մենք պետք է նաև նախաձեռնող լինենք, համագործակցենք առաջատար երկրների հետ, ծանոթանանք փորձին:  
-Երկրորդ կարևոր գործը, որի մասին նշել էիք, հայկական ավիաշուկա նոր ավիաընկերություններ ներգրավելն էր: Այս օրերին տեղեկություն եղավ այն մասին, որ «Ryanair»-ը պատրաստվում է մուտք գործել հայաստանյան ավիաշուկա: Դուք նոր եք վերադարձել գործուղումից, ի՞նչ նորություններ կներկայացնեք:
- Մինչ Սինգապուր գնալը, ես եղա Հնդկաստանում: Իմ այցելության նպատակը պարզ էր՝ աշխատել տեղի ավիաընկերությունների հետ, որպեսզի չվերթներ իրականացնեն դեպի Երևան՝ այն դիտարկելով որպես տարանցիկ գոտի: Արձագանքը դրական էր, կարող եմ ասել, որ հնդկական ավիաընկերությունները հետաքրքրված են հայաստանյան ավիաշուկայով: Մասնավորապես, քննարկումներ ունեցանք «Ինդիգո» ավիաընկերության հետ: Հետաքրքրված եմ հնդկական շուկայով, որովհետև այն շատ արագ աճում է: Մոտակա 10 տարին 70 նոր օդանավակայան են կառուցելու, ու այդ աճը մի ուղղությամբ գնալու է, այն չի մնալու Հնդկաստանում: «Times of India» պարբերականը  հոդված էր գրել այն մասին, որտեղ խոսվում էր, թե «Ինդիգո» ավիաընկերությունը դեպի Եվրոպա Բաքվի՞, թե Թբիլիսիի տարածքով է թռչելու: Ինձ համար զարմանալի էր, թե ինչու Հայաստանը չեն դիտարկում: Երբ արդեն քննարկումների մեջ էինք, պարզ դարձավ, որ շատ վաղուց կնքված մի միջպետական պայմանագիրն է խանգարում, որը որոշ սահմանափակումներ է սահմանում: Մենք պարզաբանեցինք, որ դրանք փոփոխության ենթակա են, իրականում ոչ մի խոչընդոտ չկա, որ «Ինդիգո»-ն դեպի Եվրոպա չվերթներ իրականացնի Երևանով: Այս ընկերությանը ներկայացրեցինք հայաստանյան ավիաշուկայի բիզնես հնարավորությունները: Երբ իրենք Երևանով դեպի Եվրոպա չվերթներ իրականացնեն, դա կլինի նաև մրցակցություն «Ryanair»-ին, ինչը շատ դրական է: Այդ մրցակցությունը կբերի ավիատոմսերի նվազմանը: Ի դեպ, եթե «Ինդիգո»-ի հետ գործարքը հաջողվի, այս ավիաընկերությունն ամեն օր է չվերթներ իրականացնելու:
Ասեմ, որ «Go Air» ավիաընկերության հետ ունեցանք հետաքրքիր քննարկում: Իրենց ռազմավարությունն ավելի շատ հիմնված է զբոսաշրջության վրա: Դրա համար նրանք հետաքրքրված են տարածաշրջանային զբոսաշրջային փաթեթներով:  Մեր Զբոսաշրջային կոմիտեի հետ համագործակցությամբ ավիաընկերությանը կուղարկենք հետաքրքիր փաթեթներ՝ հասկանալու, թե դրանք որքանով են հետաքրքրում հնդիկներին: Ասեմ, որ «Go Air» ավիաընկերության ղեկավարությունն առաջիկայում պատրաստվում է գալ Հայաստան:
Ի դեպ, մի ուղղությամբ էլ աշխատանք ենք տանում՝ ներգրավելու ներդրումներ Հայաստանի ավիաշուկայում: Այստեղ կան խմբեր, որոնք ցանկանում են ստեղծել տեղական ավիաընկերություն: Շատերը պարզ ասել են, որ միայն հայկական կապիտալով դա անելը շատ դժվար կլինի: Դրա համար մենք հնդկական ընկերություններին ներկայացրեցինք նաև այս հնարավորությունները, և միգուցե իրենց հետաքրքիր լինի հայաստանյան ավիաընկերության մեջ ներդրում անելը: Այս համատեքստում Հնդկաստանից բացի աշխատում ենք այլ ուղղություններով ևս: Այստեղ մեր երկիրը շահեկան է, որովհետև ավիացիայի ոլորտի մեր ներուժը դեռ ամբողջությամբ չենք իրացրել, այսինքն՝ աճող շուկա ենք այդ տեսանկյունից: Ի դեպ, դա արձանագրել են միջազգային ուսումնասիրությունները, որոնց արդյունքները հասանելի են ավիացիայի ոլորտի որոշում կայացնողներին: «Ryanair to Armenia. CIS-to-W Europe» ուսումնասիրությունը կատարել է միջազգային «CAPA» ընկերությունը, որն աշխարհում ամենաուժեղ և վստահելի աղբյուրն է ավիացիայի վերլուծության ոլորտում:
-Նման ավիաընկերությունների մուտքը Հայաստանի շուկա, որքանո՞վ կնպաստի տոմսերի գների նվազմանը, որովհետև մինչ այսօր տեսնում ենք, որ, կարծես, այդտեղ էական փոփոխություններ չկան:
-Ռումինական ավիաընկերությունն է մուտք գործել մեր շուկա, հուսամ մրցակցության պայմաններում փոփոխություններ կտեսնենք: Իհարկե, պարզ է, որքան ավելի շատ ավիաընկերություններ մուտք գործեն մեր շուկա, այդքան ավելի շատ կլինի մրցակցությունը, ինչն էլ իր հերթին կբերի գների նվազմանը: Ակտիվորեն աշխատում ենք այդ ուղղությամբ:
-Ժամանակին խոսվում էր այն մասին, որ հայաստանյան շուկա մուտք գործող ավիաընկերությունները խնդիր են համարում օդանավակայանում օդանավերի համար սահմանված գները: Այս ուղղությամբ ի՞նչ է արվում:
-Այստեղ կարող եմ ասել, որ նոր ուղղությունների դեպքում, որոնք ավելի ռիսկային են,  օդանավակայանը պատրաստ է ավիաընկերությունների համար ավելի լավ պայմաններ տրամադրել:
-Իսկ լոուքոստերների հետ կապված «Զվարթնոց»-ին կարո՞ղ է այլընտրանք լինել Շիրակի օդանավակայանը: Եվ հայաստանյան շուկա նոր ավիաընկերություններ ներգրավելով՝ արդյո՞ք դիտարկվում է օդանավակայանների հնարավորությունների մեծացումը:
-Այո, Շիրակի օդանավակայանն այլընտրանք կարող ենք դիտարկել: Երբ գնացինք « Ryanair»-ի հետ բանակցությունների, ամբողջ մեր բիզնես փաթեթի հիմքում Շիրակի օդանավակայանն էր: Դրա հետ մեկտեղ պարզ ասեմ, որ ավիաընկերությունները  դժվար թե մենակ Գյումրիով հետաքրքրվեն: Ինչ վերաբերում է օդանավակայանների հնարավորությունների մեծացմանը, ապա «Զվարթնոց»-ը թերևս ավելի մանրամասն կներկայացնի, սակայն ասեմ, որ, այո, նման հարց քննարկվում է:
-Ազգային ավիափոխադրող ունենալու առնչությամբ առկա են տարաձայնություններ: Կցանկանայի այս հարցի հետ կապված լսել Ձեր մասնագիտական կարծիքը: Ըստ Ձեզ՝ մեր երկիրը պետք է ունենա ազգային ավիափոխադրող:
-Մեզ անհրաժեշտ է տեղական ավիափոխադրող, երբ օդանավերը բազավորվեն Հայաստանում, որ մեր հայ օդաչուները վերադառնան և սկսեն աշխատել մեր երկրում: Ազգային փոխադրողը կոնցեպտ է, որը ստեղծվել է 40-ական թվականներին, երբ կառավարությունն էր որոշում, թե ինչ ուղղություններով ավիաընկերությունը թռիչքներ կատարի, որովհետև դա երկրի ռազմավարության համար էր կարևոր, սակայն այն ոչ շահավետ էր: Եթե հարուստ պետություն լինեինք, միգուցե դիտարկվեր այդ գաղափարը, բայց իմ կարծիքով մենք ամեն լուման պետք է շատ զգույշ ծախսենք: Ազգային փոխադրողները շատ հաճախ լուրջ ֆինանսական խնդիրների առաջ են կանգնում: Ես չէի ուզենա մենք հետ գնայինք: Ես կողմ եմ, որ մենք ունենանք հայկական ավիաընկերություն, որի ինքնաթիռները բազավորվեն Հայաստանում: Ամեն ինչ անում եմ, որ դա ստացվի:
-Ինդոնեզիայում, Եթովպիայում ավիավթարներից հետո մի շարք երկրներ, այդ թվում՝ Հայաստանը որոշում կայացրեց դադարեցնել Boeing 737 մակնիշի ինքնաթիռի թռիչքները: Ժամկետների սահմանափակումները մինչև ե՞րբ են սահմանված:
-Սահմանափակումներն անժամկետ են, քանի դեռ խնդիրը չի լուծվել, թռիչքների դադարեցման մասին որոշումն ուժ մեջ է: Երբ ես Սինգապուրում էի, եղել եմ «Բոինգ»-ի գրասենյակում, ծանոթացել եմ, թե ինչ աշխատանքներ են տանում: Մենք հետևում ենք, թե Ավիացիոն անվտանգության եվրոպական գործակալությունը՝ EASA-ն, ինչ որոշումներ է կայացնում, որովհետև իրենք են ԱՄՆ-ի քաղավիացիայի հետ շփման մեջ, մինչև իրենք արգելքը չհանեն, մենք ոչ մի քայլ չենք անելու:

     

Քաղաքական

Հայաստանը ցեղասպանության կանխարգելման պայքարի առաջատար է. Լեմկինի ինստիտուտի տնօրեն

Մոտ 20 երկրից գիտությունների դոկտորներ, պրոֆեսորներ, փորձագետներ, հայագետներ, բուհերի, հետազոտական կենտրոնների և գերատեսչությունների գիտնականներ Հայաստանի գիտությունների ազգային ակադեմիայում մասնակցել են եռօրյա գիտաժողովին:

Արցախի նախագահը Ֆրանսիային խնդրել է ճնշում գործադրել Ադրբեջանի վրա՝ գերիների ազատ արձակման պահանջով

Արցախի նախագահ Սամվել Շահրամանյանը հարցազրույց է տվել ֆրանսիական Le Figaro պարբերականին, որտեղ անդրադարձել է Արցախի «լուծարման» փաստաթղթին, արցախցիների՝ հայրենիք վերադարձին և այլ հարցերի:

ԱՄՆ-ն համաձայն չէ Ադրբեջանի պնդումների հետ, թե Բրյուսելի հանդիպումը կարող է սրել իրավիճակը տարածաշրջանում․ Մեթյու Միլլեր

Ամերիկայի Միացյալ Նահանգները համաձայն չէ ադրբեջանական կողմի այն պնդումներին, որ ապրիլի 5-ին Բրյուսելում կայանալիք Հայաստան-ԵՄ-ԱՄՆ բարձր մակարդակի հանդիպումը կարող է ապակայունացնել և սրել իրավիճակը Հարավային Կովկասում։

Արարատ Միրզոյանը ՀՀ ԱԺ անունից Արգենտինայի Պատգամավորների պալատի գործընկերներին հրավիրել է Հայաստան

Մարտի 26-ին պաշտոնական այցով Բուենոս Այրեսում գտնվող ՀՀ ԱԳ նախարար Արարատ Միրզոյանը հանդիպում է ունեցել Արգենտինյան Հանրապետության Պատգամավորների պալատի նախագահ Մարտին Մենեմի հետ:

Տնտեսական

ՀՀ էկոնոմիկայի նախարարը և ԱՄՆ դեսպանը քննարկել են հայ-ամերիկյան համագործակցությանն առնչվող հարցեր

Նախարար Գևորգ Պապոյանը մարտի 22-ին ընդունել է Հայաստանում ԱՄՆ արտակարգ և լիազոր դեսպան Քրիստինա Ալիսոն Քվինին:

Գերմանիայի կառավարությունը ՀՀ-ին կտրամադրի 12 մլն եվրոյի արտոնյալ վարկ. համաձայնագրի նախագիծը քննարկվել է ԱԺ-ում

Հայաստանի Հանրապետությունն ու Ասիական զարգացման բանկը ստորագրել են 66,1մլն եվրո արժողությամբ «Սեյսմիկ անվտանգության բարելավման ծրագիր (լրացուցիչ ֆինանսավորում)» վարկային համաձայնագիրը. այս մասին ասել է ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը՝ ԱԺ ֆինանսավարկային և բյուջետային հարցերի մշտական հանձնաժողովի՝ մարտի 15-ի արտահերթ նիստում ներկայացնելով համաձայնագիրը վավերացնելու մասին օրենքի նախագիծը:

Ռուբլին, եվրոն և դոլարը էժանացել են

ՀՀ բանկերում այսօր՝ մարտի 13-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 400.72 դրամ։

Մարտի 11-ին դոլարի, ռուբլու և եվրոյի փոխարժեքները փոխանակման կետերում

ՀՀ բանկերում այսօր՝ մարտի 11-ին ժամը 10:20-ի դրությամբ, ԱՄՆ դոլարի առքի միջին փոխարժեքը կազմում է 401.41 դրամ։

Հասարակական

Կերկարաձգվեն ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետները

Կառավարությունն ընդունել է որոշում՝ ԼՂ-ից բռնի տեղահանված անձանց կենսաթոշակի և ծերության, հաշմանդամության, կերակրողին կորցնելու դեպքում նպաստների նշանակման ժամկետների երկարաձգման, նշանակման գործընթացների պարզեցման նպատակով:

Եվրանեսթ ԽՎ-ն ԵՄ-ին կոչ է արել մեծացնել մարդասիրական օգնությունը ԼՂ-ից բռնի տեղահանված անձանց

Եվրանեսթ խորհրդարանական վեհաժողովը ԵՄ-ին կոչ է արել մեծացնել մարդասիրական և ֆինանսական օգնությունը ԼՂ-ից բռնի տեղահանված բնակչության շրջանում անչափահասների կարիքները բավարարելու համար։

«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին

«Հայաստան» համահայկական հիմնադրամը հերթական ֆինանսական աջակցությունն է ցուցաբերել Լիբանանի հայ կրթական հաստատություններին` Լիբանանի հայ համայնքին տրամադրվող շարունակական օգնության ծրագրի շրջանակում:

Հայաստանը շուրջ 30 տոննա մարդասիրական բեռ կուղարկի Գազայի բնակիչներին

Հայաստանի Հանրապետությունը մարդասիրական օգնություն կուղարկի Գազայից տեղահանված և Ռաֆահի անցակետում հաստատված, ծանր սոցիալ-տնտեսական վիճակում հայտնված բնակիչներին։

Ռազմական

Հայաստանը մնում է ՀԱՊԿ-ի դաշնակիցը. գլխավոր քարտուղար

Հայաստանը շարունակում է մնալ ՀԱՊԿ-ի դաշնակիցը, միևնույն ժամանակ, կազմակերպությունը Հայաստանի ղեկավարության կողմից քաղաքական սթափություն է ակնկալում:

Հայաստանի պաշտպանության նախարարը պաշտոնական այցով մեկնել է Իրան

Հայաստանի պաշտպանության նախարար Սուրեն Պապիկյանի գլխավորած պատվիրակությունը մարտի 6-ին պաշտոնական այցով մեկնել է Իրանի Իսլամական Հանրապետություն։

Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան

Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։

ՊՆ վարչական համալիրում տեղի է ունեցել Նիկոլաոս Դենդիասի դիմավորման հանդիսավոր արարողությունը

ՀՀ պաշտպանության նախարար Սուրեն Պապիկյանը մարտի 4-ին ընդունել է պաշտոնական այցով Հայաստանի Հանրապետություն ժամանած Հունաստանի ազգային պաշտպանության նախարար Նիկոլաոս Դենդիասին։

Տեսանյութեր

ավելին
Search