Artsakhpress

Միջազգային

Հնդկաստանում ընթանում Է համընդհանուր խորհրդարանական ընտրությունների երրորդ փուլը

Ապրիլի 23-ին Հնդկաստանի 13 նահանգում եւ երկու միութենական տարածքում ընթանում Է համընդհանուր խորհրդարանական ընտրությունների յոթ փուլերից երրորդը:

Հնդկաստանում ընթանում Է համընդհանուր խորհրդարանական ընտրությունների երրորդ փուլը

Հնդկաստանում ընթանում Է համընդհանուր խորհրդարանական ընտրությունների երրորդ փուլը
ՍՏԵՓԱՆԱԿԵՐՏ, 23 ապրիլի, ԱՐՑԱԽՊՐԵՍ-ԱՐՄԵՆՊՐԵՍ: Ինչպես հայտնել Է Հնդկաստանի ընտրական հանձնաժողովը, քվեարկության տեղամասերը տեղական ժամանակով 07:00-ին (Երեւանի ժամանակով ժամը 05:30-ին) բացվել են 116 ընտրատարածքում:
Հնդիկներն ապրիլի 23-ին կքվեարկեն Ասամի, Բիհարի, Գոայի, Հուջարաթի, Ջամուի եւ Քաշմիրի, Արեւմտյան Բենգալիայի, Քառնաթաքայի, Քերալայի, Մահարաշտրայի, Օդիշայի, Թրիփուրայի, Ութար-Փրադեշի, Չխաթիսգարխի նահանգներում, ինչպես նաեւ Դադրա եւ Նաղար-Հավելի միութենական տարածքում ու Դաման եւ Դիու միութենական տարածքում:
Ընդամենը Հնդկաստանում գրանցված Է մոտավորապես 900 մլն ընտրող: Համընդհանուր խորհրդարանական ընտրությունները երկրում սկսվել են ապրիլի 11-ին, արդեն անցկացվել են առաջին եւ երկրորդ փուլերը: Քաղաքացիներն առայժմ բավականին ակտիվ մասնակցություն են ցուցաբերում ընտրություններին, որը կազմում Է շուրջ 66 տոկոս:
Ինչպես ավելի վաղ հայտնել Է Հնդկաստանի ընտրական հանձնաժողովը, այս քվեարկությունը կարող Է համաշխարհային պատմության մեջ ամենաընդգրկունը դառնալ ընտրողների թվով: Ընտրությունները նաեւ կարելի Է ամենաերկարը համարել աշխարհում: Դրանք բոլոր 29 նահանգներում եւ յոթ միութենական տարածքներում անցկացվում են յոթ փուլով (ապրիլի 11-ին, ապրիլի 18-ին, ապրիլի 23-ին, ապրիլի 29-ին, մայիսի 6-ին, մայիսի 12-ին եւ մայիսի 19-ին): Ձայների հաշվումը պետք Է ավարտվի մինչեւ մայիսի 23-ը: Հիմնական պայքարը կծավալվի երկու քաղաքական ուժերի՝ կառավարող «Բհարաթիա ջանաթա պարտիի» (ԲՋՊ), որը գլխավորում Է գործող վարչապետ Նարենդրա Մոդին, եւ «Հնդկաստանի ազգային կոնգրեսի» (ՀԱԿ), որի գլուխ կանգնած Է Ռահուլ Գանդին, որը սերում Է Հնդկաստանի ամենաազդեցիկ Ներու-Գանդի քաղաքական կլանից, միջեւ:
Ընտրությունների հիմնական ինտրիգն այն Է, թե ԲՋՊ-ն կկարողանա արդյոք կրկնել 2014 թվականի հաջողությունը եւ արժանանալ ընտրողերի ճնշող մեծամասնության պաշտպանությանը, իսկ Մոդին՝ անընդմեջ երկրորդ ժամկետով զբաղեցնել վարչապետի աթոռը, հաղորդել Է ՏԱՍՍ-ը:

     

Քաղաքական

Տնտեսական

Հասարակական

Ամենադիտված

ամիս

շաբաթ

օր

Ամփոփվել են sms քվեարկության առաջին արդյունքները. հայտնի են առաջատարները

Ամուլսարը եւ Արցախը կարող է համեմատել միայն տգետ, հիվանդ մարդը կամ դավաճանը. Դավիթ Բաբայան

«Երեմյան Փրոջեքթս»-ը Արցախի զորամասերում սննդի մատակարարում կիրականացնի

Փաշինյանը ներկայացրել է զինծառայողների աշխատավարձերի բարձրացման կոնկրետ ցուցանիշները

Բախվել են «ԳԱԶ-53»-ն ու «Hyundai Sonata»-ն. վերջինս ամբողջությամբ այրվել է. կան վիրավորները (ֆոտո)

Շուշիի շրջանում բախվել են Mitsubishi Pajero-ն և բեռնատար КамАЗ-ը. կա 1 զոհ, 2 վիրավոր. Shamshyan.com

ԿԽՄԿ ներկայացուցիչներն այցելել են Արայիկ Ղազարյանին

Ստեփանակերտի որոշ փողոցներում ժամանակավորապես կդադարեցվի գազամատակարարումը

Հադրութում կկայանա Արցախյան գինու վեցերորդ փառատոնը

Search